Smiley face
Smiley face
Smiley face

کەلار، ژنێک کۆتایی بەژیانی خۆی هێنا

2018-01-07 18:28:11



ڕۆژنیوز - هاوڕێ کرێکار

 

ژنێک لە شارۆچکەی کەلار خۆی خنکاندووە و بەوتەی بەڕێوبەری بەڕێوبەرایەتی بەرەنگاربوونەوەی توندوتیژی دژ بە ژنان لە گەرمیان، هاوسەری ژنەکە بەبڕیاری دادوەر دەستگیرکراوە.

 

ئەمڕۆ، لە شارۆچکەی کەلاری ناوەندی ئیدارەی گەرمیان، ژنێک بەناوی (ا.ا.م) لەماڵەکەی خویدا، کۆتایی بە ژیانی خۆی هێناوە.

 

لەمیعە محەمەد، بەڕێوەبەری بەڕێوەبەرایەتی بەرەنگاربوونەوەی توندوتیژی دژ بە ژنان لە گەرمیان، بۆ ڕۆژنیوز وتی: لە گەڕەکی کەلاری نوێ لە شارۆچکەی کەلار، ژنێک لە ماڵەکەی خویدا خۆی خنکاندووە.

 

 

وتیشی: لە لایەن نوسینگەی کەلاری بەڕێوەبەرایەتی بەرەنگاربوونەوەی توندوتیژی دژ بە ژنان-ەوە هێڵکاری بۆ شوێنی ڕووداوەکە کراوە و دەست بە لێکوڵێنەوەکە کراوە لە سەر کەیسەکە.

 

لەمیعە محەمەد، وتیشی: بە پێی یاسایی ژمارە(٤٠٨)ی سزدانی عێراقی و بەبڕیاری دادوەری لێکوڵینەوەی کەلار، هاوسەری ژنەکە دەستگیرکراوە و تەرمی ژنەکەش ڕەوانەی پزیشکی دادوەری کەلار کراوە بە مەبەستی توێکاری.

 

بەڕێوەبەری بەرێوبەرایەتی بەرەنگاربوونەوەی توندوتیژی دژ بە ژنان-ی گەرمیان، باسی لەوەشکرد، بەپێی لێکوڵینەوە سەرەتاییەکان،  هاوسەری ژنەکە بەڕەزامەندی ئەم ژنە، چەند ڕۆژێکە ژنی دووەمی هێناوە، هەست دەکرێت کاریگەریی خراپی لەسەر دەروونی ئەم ژنە دانابێت، بۆیە کۆتایی بەژیانی خۆی هێناوە.

 

بەپێی ئامارێکی ڕۆژنیوز، لەسەرەتای ئەمساڵەوە تا ئێستا، لە هەرێمی کوردستان، بەم ژنەوە شەش کەس کوژراون و کۆتاییان بە ژیانی خۆیان هێناوە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin