Smiley face
Smiley face
Smiley face

به‌ڕێوه‌به‌رى ڕۆشنبیرى چه‌مچه‌ماڵ: گرنگیى به‌ ڕۆڵى ژنان و گه‌نجان ده‌ده‌ین

2018-01-07 15:59:26



ڕۆژنیوز ـ ئاشتى ئه‌حمه‌د


به‌ڕێوه‌به‌رى ڕۆشنبیرى و هونه‌رى چه‌مچه‌ماڵ ده‌ڵێت، له‌ کار و چالاکییه‌کانیاندا گرنگى به‌ ڕۆژى ژنان و گه‌نجان ده‌ده‌ن، به‌ڵام به‌هۆى قه‌یرانى داراییه‌وه‌ چالاکییه‌کانیان که‌مى کردوه‌.


به‌ڕێوه‌به‌رایه‌تى ڕۆشنبیرى و هونه‌رى چه‌مچه‌ماڵ سه‌ربه‌ پارێزگاى سلێمانى داوا له‌ ژنانى سنوره‌که‌ ده‌کات، هه‌ر کار و چالاکییه‌کیان هه‌یه‌ بۆ ئه‌م ساڵ، ئه‌وا به‌ڕێوه‌به‌رایه‌تیه‌که‌ ئاماده‌یه‌ هاوکاریان بکات.


به‌ختیار شه‌ریف قوربانى به‌ڕێوه‌به‌رى ڕۆشنبیرى و هونه‌رى چه‌مچه‌ماڵ ئه‌مڕۆ له‌ باره‌ى کاروچالاکییه‌کانیان له‌ ساڵى ڕابردوودا، به‌ ڕۆژنیوزى وت:" له‌ماوه‌ى ساڵى ٢٠١٧ دا ١٤ کار و چالاکیمان ئه‌نجامداوه‌ و به‌ به‌راورد به‌ ساڵانى ڕابردوو کار و چالاکییه‌کانمان که‌می کردووه‌، ئه‌ویش به‌هۆى قه‌یرانى دارایى و نۆژه‌نکردنه‌وه‌ى هۆڵى ڕۆشنبیریمانه‌وه‌، که‌ چوار مانگ ده‌بێت هیچ کار و چالاکییه‌کمان ئه‌نجام نه‌داوه‌".

 


وتیشى:" ئه‌و کار و چالاکییانه‌ى له‌ ساڵى ڕابردوو ئه‌نجاممانداوه‌، بریتى بوون له‌ دیدارى فیلم، که‌ چه‌ندین کورته‌ فیلمى تێدا له‌باره‌ى ئه‌و جینۆسایدانه‌ى به‌رامبه‌ر کورد ئه‌نجامدراوه‌ نمایشکراوه‌، هه‌روه‌ها چه‌ند سمینارێکمان ئه‌نجامداوه‌ بۆ ژنانى ئاواره‌ى ڕۆژئاوا و ژنانى عه‌ره‌ب، له‌گه‌ڵ ئه‌نجامدانى چه‌ند سیمینارێک بۆ خوێندنگه‌کان و هه‌روه‌ها چه‌ندین چالاکى ڕۆشنبیرى و هونه‌رى".


ئه‌وه‌شى خسته‌ڕوو: "له‌ چوارچێوه‌ى سیاسه‌ت و کار و به‌رنامه‌کانمان گرنگیمان به‌ ڕۆڵى ژنان و گه‌نجان داوه‌، توانیویشمانه‌ له‌ بواره‌کانى هونه‌ردا هاوکارى ژنان بکه‌ین و بێنه‌ پێشه‌وه‌، لێره‌شه‌وه‌ به‌ ژنانى سنوره‌که‌ ده‌ڵێین هه‌ر کار و چالاکییه‌کیان هه‌یه‌ ده‌رگامان بۆیان واڵایه‌".

 


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin