Smiley face
Smiley face
Smiley face

بەخێوکەرانی ماسی: پێویستە رێگریی بکرێت لە هاوردەکردنی ماسی

2017-12-29 12:39:31



ڕۆژنیوز- محەمەد حەسەن

 

بەخێوکەرانی ماسی لە گوندی کانی بی کە دەکەوێتە قەراغی زێی بچوک، داواداکەن کە ڕێگریی بکرێت لە هاوردەکردنی ماسی، بۆ ئەوەی بتوانن بەرهەمە ماسییەکاینان لەبازاڕدا ساغ بکەنەوە و نەکەونە زەرەر.

 

گوندی کانی بی کە سەر بە شارەدێی ئاشتی قەزای کۆیەیە، دەکەوێتە سەر زێی بچوک، زۆربەی دانیشتوانی گوندەکە خەریکی بەخێوکردنی ماسین و زۆربەی ماڵەکانیش حەوزی بەخێوکردن و بەرهەمهێنانی ماسیان هەیە.

 

 

محەمەد فەتحوڵا کە خاوەنی چەندین حەوزی ماسییە دەست خۆشی لە ئاژانسی ڕۆژ نیوز کرد کە داواکاری کاسبکاران دەگەینیت بە گوێی لایەنی پیوەندیدار، ئێمە نزیکی ٩ ساڵە دەستمان بە بەخێوکردنی ماسی کردووە سەرەتا هیچ شارەزایەکمان لەو بوارەدا نەبووە بۆیە لە سەرەتای کارەکانمان بە هۆی ناشارەزایی زەرەمان کرد دواتر هێندێک دۆست و ئاشنا توانیمان پەرە بە کارەکانمان بدەیەن.

 

 

محەمەد وتیشی: ساڵی ٢٠١٣ و ٢٠١٤ حکومەت ساڵانە جارێک عەلەفی پێمان دەدا و پەنجە ماسیشیان بۆ دابین دەکردین، بەڵام وەک پێویست نەبووە جارێک لە هەولێر پارەشمان واسڵ کرد، بەڵام پەنجە ماسیان پێ نەداین، بۆیە ئێستادا لە حللە پەنجە ماسیمان بۆ دێت.

 

محەمەد ڕاشیگەیاند: هەر چەندە حکومەت هاوکاریمان ناکات، بەڵام ئێمە تەنیا یەک داواکاریمان لە حکومەت هەیە، ئەویش ئەوەیە کاتی پێگەیشتنی ماسی لە هەرێمی کوردستان دەرگا سنورییەکان بە ڕووی هاوردەکردنی ماسی لە دەرەوە دابخات، ئێستا لە هەر خاوەن حەوزێک دەپرسی قەرزدار دەبێتەوە، چونکە خەرجی زۆرە و فرۆشی کەمە.

 

ئیسماعیل ئیبراهیم کە ئەویش خەریکی بەخێوکردنی ماسییە لە گوندی کانی بی، بە ڕۆژنیوزی ڕاگەیاند: لە سەرەتادا تا ئیزنی پێدانی مۆڵەتیان پێدایەن هەموو ڕۆژێک حکومەت بەهانەیەکیان بۆ دەهێناینەوە زیاتر لە چوار مانگ زیاتر خەریکی دەرهێنانی مۆڵەت بووین، ئێستاش بە هۆی هاوردەکردنی ماسی دەرەوە، ماسی ئێمە وەک پێویست نافرۆشرێت، جگە لەوە ئێمە پێویستیمان بە کارەبا هەیە بە داخەوە حکومەت وەک پێویست هاوکاری ئەو کەسانە ناکات کە خاوەن پرۆژەی وەبەرهێنانن.

 

 

ئیسماعیل ئاماژەی بە بێ کارەبایی کرد و ڕایگەیاند: ئێمە زیاتر لە کاتژمێر ١٢ی شەو بەو لاوە پێویستیمان بە کارەبا هەیە لەو کاتەشدا کارەبا نییە، دەبێ پارەیەکی زۆر بە سووتەمەنی بدەین بۆ موەڵیدەکان، زۆربەی دانیشتوانی گوند ژیانیان لە سەر ئەو حەوزە ماسیانە بۆ داواکارین کە حکومەت هاوکارمان بیت.

 

ئیسماعیل وتیشی: ئەگەر ماسی دەرەوە قەدەغە بکرێت، ماسی کانی بی لە پارێزگاکانی سلیمانی، هەولێر و کەرکوک فرۆشی هەیە، ماسییەکەشی ماسی بەتەمام و باشە کە ماسی کارب-ی پێدەوترێت.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin