Smiley face
Smiley face
Smiley face

تورکیا چەکی قورسی لە سنووری هەولێر جێگیرکرد

2017-12-18 09:07:36



رۆژنیوز - زاهیر ئیراهیم

 

لە سنووری شارەدێی سیدەكانی سەر بە شاروچكەی سۆران –ی لە پارێزگای هەولێر، سوپای تورك چەكی قورسی گواستەوە بۆ گوندی كانییە ڕەش، بەردەوامیش فڕۆكەی چاودێری بەسەر ئاسمانی دەڤەرەكەدا دەسوڕێتەوە.

 

ماوەی چەند رۆژێكە  سوپای توركیا دەستیكردووە بە هێنانی هێز بۆئەو سنوورە، لە ئێستاشدا چەكی قورس و سەربازی زیاتری هێناوەتە گوندی کانییە ڕەش کە سەربە سنووری سیدەکانە.

 

هاووڵاتیان لە سنوورەکەوە بە ڕۆژنیوز-یان وت:"ئەو هێزەی هاتووەتە سنوری شارەدێی سیدەكان بەردەوامە لە ئامادەكاری و دروستكردنی كەمین و جێگیركردنی هێز، ئێوارەی دوێنێش  سوپای تورك بەشۆفل و ئامێرەكانیتر رێگای گواستنەوی چەكی قورسیان بۆ گوندەكانی كانییە ڕەش و بەرزایەكانی بەرمیزە دروستکردووە".

 

ئاماژەیان بۆئەوەشكرد:"سوپای تورك لە كانیە ڕەش چەندین كەمین و ناوچەی بەرگرییان دروستكردووەو بەردەوامیش فڕۆكەی چاودێری بەسەرئاسمانی دەڤەرەكە دەسوڕێنەوە، بەڵام تائێستا هیچ شەڕ  پێكدادانێك لە سنوورەکە ڕووینەداوە".

 

لەسەر دۆخی دەڤەرەکە شارەدێی سیدەكان، ئیحسان چەلەبی بەرێوەبەری شارەدێیەکە بە رۆژنیوزی وت:"بارودۆخی سیدەكان ئاساییەو هیچ شەڕێك نییە، بەڵام ئەو هێزەی توركیا كە هاتووەتە دەڤەری سیدەكان بەردەوامە لە ئامادەكاری و جێگیركردنی هێزەكانی".

 

بەرێوەبەری شارەدێی سیدەكان وتیشی:"لەماوەی سێ رۆژی رابردوودا سوپاس توركیا، تەنیا ژمارەیەك سەربازی لە كانیەڕەش  بە رێگای هێلیكۆپتەر لە كانیە ڕەش جێگركردبوو، بەڵام ئێستا لەلایەن هاوڵاتیانەوە پێیانوتووین كە ئەو هێزەی توركیا چەكی قورسی هێناوەو بە شۆفەل و ئامێری رێگاوبان رێگای گواستنەوەی چەكی قورسیشیان دروستكردووە، وە چاوەروانیش دەكرێت هێزەكە لەوشوێنەی جێگربوونە بمێننەوە".

 

(وێنە؛ ئەرشیڤ)

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin