Smiley face
Smiley face
Smiley face

سەعدی پیرە: یەکێتی لەگەڵ ئەنجامدانی ڕیفراندۆم-دا نەبووە.. بەڤیدیۆ

2017-12-17 16:10:07



ڕۆژنیوز- ناوەندی هەواڵ

 

وتەبێژی یەكێتی ڕایگەیاند، كە وەك یەكێتی لەگەڵ ئەنجامدانی ڕیفراندۆم نەبووین، بەڵام بارزانی داوای لێكردین كە ڕاینەگەیەنین کە لەگەڵ ئەنجامدانی ڕیفراندۆمدا نین، دەشڵێت:"بارزانی پێیوتووین بەڵێن دەدەم ئەگەر شكستم هێنا بێمە سەر تەلەفزیۆن و بڵێم كە یەكێتی لەگەڵ ڕیفراندۆم نەبوو".

 

ئەمڕۆ، سەعدی ئەحمەد پیرە، وتەبێژی یەكێتی نیشتمانی کوردستان، لەمیانی كۆبوونەوەی مەڵبەندی یەكێتی لە شاری هەولێر، وتارێكی پێشكەشكردووە و تیشکی خستووەتە سەر ڕای یەكێتی لەسەر ئەنجامدانی ڕیفراندۆم.

 

سەعدی پیرە، لە وتەكانیدا ئەوەی خستەڕوو، كە ڕۆژانی ٢٢-٢٣ ی ئەیلول، بە بارزانیمان وتووە كە ئێمە لەگەڵ ئەنجامدانی ڕیفراندۆمدا نین، ئەویش وتوویەتی كە بۆچی پێشتر قسەتان نەكردووە، ئێمەش وتمان، كەسمان نەمان دەزانی كە كۆمەڵگای نێودەوڵەتی تا ئەو ئاستە دژی ڕیفراندۆمن، بارزانیش پێی وتین:"تازە من چی جوابی هەولێر و دهۆك و سلێمانی بدەمەوە، ئەگەر بە تەنها لە هەولێر و دهۆك ڕیفراندۆم-مان كردبێت، ئەنجامی دەدەین".

 

وتەبێژی یەکێتی، ئاماژەی بەوەشكرد، كە بارزانی داوای لێكردوون كە ڕاینەگەیەنن لەگەڵ ڕیفراندۆمدا نین، خەڵكیش هان نەدەن بۆ ئەوەی كە دەنگ نەدەن، دەشڵێت:"بارزانی لە بەرامبەردا بەڵێنی داوا ئەگەر ڕیفراندۆم شكستی هێنا، ئەوا دێتە سەر تەلەفزیۆن و ڕایدەگەیەنێت كە یەكێتی لەگەڵ ڕیفراندۆم نەبووە".

 

هەر لە وتەكانیدا، سەعدی پیرە، داوای لە بارزانی كردووە، كە بەڵێنەكەی جێبەجێ‌ بكات، دەشڵێت: ئەگەر بینیم، یان نامەی بۆ دەنووسم و پێی دەڵێم ئێستا كاتی ئەوەیە كە بەڵێنەكەت جێبەجێ‌ بكەیت.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin