Smiley face
Smiley face
Smiley face

ئیلهام ئەحمەد: کۆمەڵگای نێودەوڵەتی سەری سووڕماوە بە ئەزموونی خۆبەرێوەبەریی

2017-12-17 15:06:59



ڕۆژنیوز - ناوەندی هەواڵەکان

 

ئیلهام ئەحمەد، هاوسەرۆکی ئەنجومەنی سوریای دیموکرات لە کۆبوونەوەیەکی تایبەت بە نرخاندنی دۆخی سیاسیی ناوچەکە لە تەبقا ئامادەبوو، وتی: کۆمەڵگای نێودەوڵەتی سەری سووڕ ماوە بە ئەزموونمان لە ڕۆژئاوا و باکوری سوریا.

 

ئەمڕۆ لە شاری تەبقای باکوری سوریا، کە چەند مانگێک پێش ئێستا لەلایەن شەرڤانانی هێزەکانی سوریای دیموکراتەوە لە چنگی چەتەکانی داعش ڕزگارکرا، کۆبوونەوەیەک بە مەبەستی نرخاندنی دۆخی سیاسیی ناوچەکە بەڕێوەچوو.

 

ئیلهام ئەحمەد، هاوسەرۆکی ئەنجومەنی سوریای دیموکرات، لە کۆبوونەوەکەدا، وتی: پێویستبوو کۆنگرەی سۆچی بە ناوی کۆنگرەی گەلانی سوریا بەڕێوەبچێت، بەڵام بەهۆی دەستێوەردانەکانی تورکیاوە ناوی کۆنگرەکە کراوە بە کۆنگرەی دانوستانەکانی نیشتمانیی سوریا.

 

لە بەشێکی دیکەی قسەکانیدا وتی: بۆ ئەوەی سوریایەکی دیموکراتی پێکبێت، پێویستە هەر هەرێمێک بە جیا خۆی بەڕێوەببات.

 

وتیشی: سەرکەوتنەکانی هێزەکانی سوریای دیموکرات پەیوەندی بە پشتگیرییەکانی هێزەکانی هاوپەیمانانەوە نییە، هێزەکانمان لە زۆر شوێنی ڕۆژئاوا بەبێ هیچ پشتیوانییەک سەرکەوتن.

 

ئاماژەی بەوەشدا: هەرچەند زۆربەی شوێنە داگیرکراوەکان لە چنگی چەتەکانی داعش ڕزگارکراون، بەڵام پێویستە بەباشی بەرگری لە ناوچە ڕزگارکراوەکان بکەین، چونکە هەوڵدانێک لە ئارادایە کە دەیەوێت داعش لە ئیدلبەوە بگەڕێنێتەوە بۆ ئەو ناوچانە.

 

لە کۆتاییدا ئیلهام ئەحمەد، وتی: ئەو ئەزموونەی لە ڕۆژئاوا و باکوری سوریا بەڕێوەچووەو سەرکەوتووە، بووەتە هۆی سەرسووڕمانی کۆمەڵگای نێودەوڵەتی.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin