Smiley face
Smiley face
Smiley face

٣٣٪ ی هاوڵاتیانی هەڵەبجە: یاسا ڕۆڵی نەبینیوە لە لە کەمکردنەوەی توندوتیژیی

2017-12-17 14:40:59



ڕۆژنیوز- هاوکار مستەفا

 

بەپێی ڕاپرسییەک %49 ی هاوڵاتیانی هەڵەبجە پێیان وایە، کە یاسا تاڕادەیەک ڕۆڵی بینیوە لە کەمکردنەوەی توندوتیژییەکان و %33 پێان وایە ڕۆڵی نەبینیوە.

 

ئەمڕۆ لە هۆڵی ڕێکخراوی نوێ‌ لە شاری هەڵەبجە لە کۆنگرەیەکی ڕۆژنامەنووسیدا ئەنجامی ڕاپرسییەک لەبارەی هۆکارەکانی ئەنجامدانی توندوتیژیی و زانیاریی لەبارەی 25 ی نۆڤەمبەرەوە ڕاگەیەندرا، کە  ڕاپرسییەکە لەناو شاری هەڵەبجە ئەنجام درابوو.

 

لە ڕاپرسییەکەدا پرسیار لە هاوڵاتیان کراوە  لەبارەی هۆکاری ئەنجامدانی توندوتیژییەکان بەرامبەر بەژنان و ژماریەک لە ژنانی خۆبەخشی هەڵەبجە بە هاوکاریی ڕێکخراوی نوێ بۆ پاراستنی ژینگە و مافەکانی ژنان، لە 25/11/2017 وە تا 10/12/2017  ئەنجامیانداوە و 500 کەس لە ژنان و پیاوان و سەرجەم چین و توێژە جیاوازەکان بەشدارییان تێدا کردووە.

 

بەگوێرەی دەرئەنجامی ڕاپرسییەکە، کە لەلایەن ڕەنگین سەلام، ئەندامی ڕێکخراوی نوێ-ەوە خوێندرایەوە، بەگوێرەی ل %39 بەشدار بووان هیچ زانیارییەکیان لەبارەی 25ی نۆڤەمبەرەوە نییە و %36 تاڕادەیەک و لە%25 زانیارییان هەیە.

 

هەر بەپێی ڕاپرسییەکە، لە%94 بەشداربوانی ڕاپرسییەکە بەشداری هیچ چالاکییەکی تایبەت بە 25 نۆڤەمبەریان نەکردووە تەنها لە%6 بەشدار بوون.

 

 هەربەپێی ڕاپرسییەکە، %31 پێیان وایە بە بەراورد بە ساڵانی ڕابردوو توندوتیژی دژ بە ژنان زۆر بووە و لە%12 پێیان وایە کەمی کردووە، لە%28 تاڕادەیەک کەمی کردووە لە%15 تاڕادەیەک زیادیکردووە، لە%14 پێیان وابووە وەک خۆیەتی.

 

ئەو کەسانەی پێیان وایە توندوتیژی زیادیکردووە لە%41 یان خراپی باری دارایی بەهۆکاری سەرەکی دەزانن  لە%24 دۆخی سیاسی و لە%18 کەمی هۆشیاری و لە%17 باری کۆمەڵایەتی بەهۆکار دەزانن.

 

هەروەها لە%94 بەشداربووان ڕەشنوسی پرۆژە یاسای بەشودانی کچانی تەمەن (9) ساڵ بەخراپ دەزانن و لە%2 تاڕادەیەک بە باشی دەزانن و لە%4 تاڕادەیەک بەخراپی دەزانن.

 

ئەوەش خرابوویە ڕوو کە لە%49 بەشداربووان پێیان وابووە کە یاسا تاڕادەیەک ڕۆڵی بینیوە لە کەمکردنەوەی توندوتیژییەکان و لە% 18 پێان وایە ڕۆڵی بینیوە و لە%33 پێان وایە ڕۆڵی نەبینیوە،

 

هەروەها %43 بەشداربووان پێیان وابووە کە سیستمی خوێندن تاڕادەیەک ڕۆڵی هەبووە لە کەمکردنەوەی توندوتیژییەکانی دژ بەژنان و لە%24 بە نەخێر وەڵامییان داوەتەوە و لە%33 بە بەڵێ وەڵامییان داوەتەوە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin