Smiley face
Smiley face
Smiley face

تەندروستکارانی کوردستان لە سلێمانی گردبوونەوە

2017-12-17 14:27:13



ڕۆژنیوز - ڕۆزە محەمەد

 

بەشێک لە تەندروستکارانی کوردستان گردبوونەوە و داوای مووچە و دامەزراندن دەکەن و ڕاشیدەگەیەنن، لە خەباتی مەدەنی و خۆپیشاندان بەردەوام دەبن.

 

پاش نیوەڕۆی ئەمڕۆ، لەبەردەم بەڕێوەبەرایەتی تەندروستی کۆن لە شاری سلێمانی، لە نوێنەرانی تەندروستکارانی کوردستان گردبوونەوەو تێیدا کۆنگرەیەکی ڕۆژنامەنووسیان بەڕێوەبرد.

 

عومەر حەمە عەلی، نوێنەری تەندروستکاران، لە کۆنگرەکەدا بەیاننامەی  تەندروستکارانی خوێندەوە کە خۆیان ناوناوە 'کۆدەنگی تەندروستکارانی ناڕازی'، کە تێیدا هاتبوو: ئێمە وەک نوێنەرانی توێژێکی زۆری تەندروستکارانی کوردستان دەنگمان دەخەینە پاڵ ھەموو ئەو دەنگە ناڕازیانەی کە داوای ماف و مووچەی ھاوڵاتیان دەکەن، بەتایبەت توێژی تەندروستکاران، کە ڕۆژانە پێشمەرگە ئاسا لە ناوەندەکانی کاردا ڕووبەڕووی مەرگ دەبنەوە.

 

 

ئەوە هاتبوو: لەگەڵ ھەموو دەنگە ناڕازییەکاندا تێدەکۆشین بۆ ھێنانەدی دادگەری کۆمەڵایەتی و گەیشتنی گەلەکەمان بە مافە ڕەواکانی و دادگاییکردنی گەندەڵکاران و لێپرسینەوە لەو ھەموو کەموکوڕیانەی کە لە ناوەندەکانی تەندروستیدا و دامەزراندنی ھەموو تەندروستکاران وەک مافێکی سەرەتایی خۆیان نەک بەناوی خۆبەخشەوە لە ناوەندەکانی کاردا پیر بکرێن.

 

لە کۆاتییدا ئاماژە بەوەکرابوو: لە خەباتی مەدەنی و خۆپیشاندان بەردەوام دەبن تا بەدەستهێنانی مافەکانیان.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin