Smiley face
Smiley face
Smiley face

یەکێک لە شایەتحاڵەکانی کۆمەڵکوژیی دەرسیم گیانی لەدەست دا

2017-12-17 11:53:16



ڕۆژنیوز - ناوەمندی هەواڵەکان

 

ئەمینە کیان چیچەک، یەکێک لە شایەتحاڵانی کۆمەڵکوژیی دەرسیم گیانی لەدەست دا، تەرمی کیان چیچەک ئەمڕۆ لە گوندی هۆزمەرەکی سەربە ناوەندی دەرسیم بە خاک دەسپێردرێت.

 

ئەمینە کیان چیچەک، کە لە ساڵی ١٩٣٨دا کاتی کۆمەڵکوژیی حکومەتی تورک لە دەرسیم تەمەنی ١٠ ساڵ بوو، ئەمڕۆ لە تەمەنی ٨٩ ساڵیدا گیانی لە دەستدا.

 

ناوبراو ئەو کاتە لە تەمەنی ١٠ ساڵیدا بە چاوانی خۆی بینیبووی کە لە ڕووباری لاچێی سەربە پولوری دەرسیم چۆن سەربازەکانی حکومەتی تورک خەڵکیان کۆمەڵکوژ کردبوو.

 

ئەمینە کیان چیچەک لە تەمەنی ٧٦ ساڵیدا لەلایەن حکومەتی تورکەوە دەستگیر کرا و پاشان بە تۆمەتی هاوکاریکردن لەگەڵ پەکەکە دادگایی کرابوو و سزای سێ ساڵ و نۆ مانگ زیندانی بە سەردا سەپێندرابوو و نێردرابوو بۆ زیندانی تونجەلی، ئەمینە ماوەی ٢٤ مانگ لە زینداندا مایەوە.

 

ئەمڕۆ کاتژمێر ١٢:٠٠ی نیوەڕۆ، تەرمی کیان چیچەک لە گوندی هۆزمەرەکی سەربە ناوەندی دەرسیم بە خاک دەسپێردرێت.

 

جێگای ئاماژەیە، کە کۆمەڵکوژیی دەرسیم لە ساڵەکانی ١٩٣٧ و ١٩٣٨دا لەلایەن حکومەتی تورکەوە بە سەر گەلی کورد هات، دەوترێت لە ئەنجامی ئەو کۆمەڵکوژییەدا ١٢ هەزار کوردی عەلەوی کوژراون.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin