Smiley face
Smiley face
Smiley face

ڕانییە، بەرەی داکۆکیکار لە مافی خەلک دامەزرا و داوای مانگرتنی گشتی دەکەن

2017-12-17 11:45:32



ڕۆژنیوز - محەمەد حەسەن

 

لە شارۆچکەی رانیە بەرەی داکۆکیکار لە مافی خەلک دامەزراو لە بەیاننامەیەکدا چەند خاڵێکیان خستەڕوو، تێیدا داوا لە سەرجەم چین و توێژەکان دەکەن کە بەشداری لە مانگرتن و ناڕەزایەتییەکاندا بکەن.

 

پێشنیوەرۆی ئەمڕۆ کاتژمێر ١٠:٣٠ لە باخی گشتی شارۆچکەی ڕانیەی ناوەندی ئیدارەی ڕاپەرین، لە بەرامبەر کەمی خزمەتگوزاری و پێنەدانی مووچە، بەرەی داکۆکی لە مافی خەلک دامەزراق لە بەیاننامەیەکدا هەشت خاڵیان ئاراستەی ڕای گشتی و جەماوەری کوردستان کرد.

 

بەیاننامەکە لەلایەن باوەڕ محەمەد، ئەندامی دەستەی بەرەی داکۆکیکار لە مافی خەلک خوێندرایەوە، کە تێیدا هاتووە: ماوەی ٢٦ ساڵە حوکمرانی گەندەڵ دوور لە بنەماکانی ئیدارەدانی باش و دەوڵەتداری، گەلەکەمانیان لەم هەرێمەدا ڕووبەڕووی جۆرها تەنگژەی (سیاسی و ئابوری کۆمەلایەتی فەرهەنگی و دەروونی) کردووەتەوە، کە سەرجەمیان بوونەتە هۆکاری ئەوەی لە هیوا و ئاواتە نەتەوەیی و نیشتمانییەکان بێبەشبین، هەموو ئەمانەش گەورەترین شکستی بە پرۆژەی نەتەوەیی و نیشتمانی گەیاند.
 

 

لە بەشێکی دیکەی بەیاننامەکەدا ئاماژە بەوەکراوە: لە سۆنگەی هەستکردنمان بە ئەرکی نەتەوەی و نیشتمانی و هاولاتی بوون، بۆ کردنەوەی دەرچەیەکی ڕزگاربوون لەم دۆخە ناهەموارە، بریارماندا بە دروستکردنی بەرەی داکۆکی لە مافی خەلک، کە لە نوێنەری تەواوی چین و توێژەکان پێکهاتووە، بۆیە ڕووی داوامان دەکەینە ئەو چین و توێژانەی خوارەوەو ئەم خاڵانە دەخەینە ڕوو.

 

یەکەم: داوا لە سەرجەم دامودەزگا میریەکانی دەڤەرەکامان دەکەین، کە مانگرتنی گشتی ڕابگەیەنن و بەشداری نارەزایەتییەکان بکەن.

 

دووەم: داوا لە پێشمەرگە و پۆلیس و ئاسایش دەکەین کە هاوکار و پشتیوانمان بن.

 

سێیەم: داوا لە سەرجەم ناوەندەکانی خوێندن دەکەین کە بەشداربن لە گەلمان.

 

چوارەم: داوا لە سەرجەم دووکاندار، کاسبکار، پیشەوەرەکان و شوێنە گشتیەکان دەکەین بەشداری نارەزایەتیەکان بکەن.

 

پێنجەم: داوا لە مامۆستایانی ئاینی، خوێندکارانی زانکۆ و پیمانگاکان دەکەین بەشداری بەرچاویان هەبێ.

 

شەشەم: داوا لە نوسەر و ڕوناکبیر و ڕۆژنامەنوسان و چالاکوانانی مەدەنی دەکەین بەشداری چالاکییەکان بن.

 

حەوتەم: داوا لە پزیشکان و فەرمانبەرانی و کارماندانی تەندروستی دەکەین بەشداری چالاکیەکانمان بکەن جگە لە بەشی فریاکەتن.

 

هەشتەم: داوا لە سەرجەم شارو شارۆچکەکان دەکەین کە هاو هەڵێستمان بن.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin