Smiley face
Smiley face
Smiley face

دادگای ورمێ ١٥ ساڵ زیندان و دوورخستنەوەی بە سەر ٣ زیندانیی سیاسیی کورددا سەپاند

2017-12-17 11:19:26



ڕۆژنیوز - ناوەندی هەواڵەکان

 

دادگای سەربازیی شاری ورمێ، سزای ١٥ ساڵ زیندان و دوور خستنەوەی بە سەر سێ زیندانیی سیاسیی کورددا سەپاند.

 

بەگوێرەی هەواڵێکی تۆڕی مافی مرۆڤی کوردستان، دادگای سەربازیی شاری ورمێ سزای ١٥ ساڵ زیندان و دوور خستنەوەی بۆ زیندانی شاری کرمانی، بە سەر سێ زیندانیی سیاسیی کورد بە ناوەکانی تاهیر خۆرشیدی، محەمەد ئەمین پەیغامی و فاروق شاروێرانی-دا سەپاند.

 

لە هەواڵەکەدا هاتووە، کە محەمەد ئەمین پەیغامی بە چوار ساڵ، فارق شاروێرانی بە چوار ساڵ و تاهیر خۆرشیدی بە حەوت ساڵ زیندان و هەر سێیان بە دوورخستنەوە بۆ زیندانی کرمان سزادراون.

 

تۆمەتی هەر سێی ئەو زیندانیانە هاوکاریکردنە لەگەڵ یەکێک لە حزبەکانی ڕۆژهەڵاتی کوردستان.

 

ئەو زیندانیانە گوازراونەتەوە بۆ زیندانی شاری کرمان لە باشوری ڕۆژهەڵاتی ئێران، کە کەوتووەتە دووریی ١٦٤٨ کیلۆمەتریی شاری ورمێ-وە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin