Smiley face
Smiley face
Smiley face

دۆخی مامۆستایان و فەرمانبەرانی گەرمیان لە دیبەیتێکدا خرایە بەرباس

2017-12-16 16:28:15



ڕۆژنیوز - بۆتان گەرمیانی

 

بۆ وەرگرتنی ڕاوبۆچوونی مامۆستایان و فەرمانبەرانی ناڕازیی بۆ دانانی بەرنامەیەک بۆ داهاتوو کارکردنیان بە کۆمەڵ و ڕێگریکردنیان لە پێشێلکارییەکانی دەسەڵات بەرامبەر مافەکانیان، هەروەها باسکردن لە خراپ دۆخی مامۆستایان، بەشێک لە مامۆستایان و فەرمانبەرانی ناڕازی سنووری گەرمیان، دیبەیتێکیان سازدا،

 

کاتژمێر ٠٣:٠٠ ی ئێوارەی ئەمڕۆ، لە هۆڵی کتێبخانەی گشتی کەلار، لە شارۆچکەی کەلار ناوەندی ئیدارەی گەرمیان، بەشێک لە مامۆستایان و فەرمانبەرانی ناڕازی لە سنووری ئیدارەی گەرمیان، دیبەیتێکیان ئەنجامدا.    

 

ئاری عیزەدین، ڕێکخەری دیبەیتەکە، بە ڕۆژنیوزی وت:"وەکو مامۆستایان و فەرمانبەرانی ناڕازی سنووری ئیدارەی گەرمیان، هەستاوین بەسازدانی ئەم گفتوگۆ کراوەیە، لەسەر دۆخ و گوزەرانی مامۆستایان و فەرمانبەران و هاوڵاتیان، چونکە لە دۆخێکی زۆر خراپ و ناهەمواردان".

 

 

وتیشی:"ئامانجی ئێمە کۆکردنەوەی کۆی ڕاوبۆچوونەکانە، بۆ ئەوەی لە داهاتوودا بیکەین بە بەرنامە و کاری لەسەر بکەین، چیتر ڕێگا بەم دەسەڵاتە نەدەین، خەڵکی خۆی ببێتە ناوەند و بڕیار لەسەر ژیانی خۆی بدات، هەنگاوی دووەممان کۆکردنەوەی خەڵک و مامۆستایان و فەرمانبەرانە و دروستکردنی ئەنجومەن لێیان و دروستکردنی خۆبەڕێوەبەرییە".

 

ئازی عزەدین، ڕێکخەری دیبەیتەکە، دەشڵێت:"ئێمە تا دوا ڕادە باوەڕمان بە کار و چالاکی مەدەنییە، هەرچەندە ماوەکەشی درێژخایەن بێت، بەڵام ئێمە نارەزایەتی و چالاکی مەدەنی بەردەوامدەکەین، تا گەیشتنمان بە تەواوی مافەکانمان".

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin