Smiley face
Smiley face
Smiley face

پنتاگۆن ئەگەری هێرش بۆسەر ئێران ڕەتدەکاتەوە

2017-12-16 15:31:36



رۆژنیوز - ناوەندی هەواڵەکان

 

جەیمز ماتیس، وەزیری بەرگری ئەمریکا لە بارەی پشتیگرییەکانی ئێران بۆ حوسییەکانی یەمەن دەڵێت، کە پێویست بەوە ناکات کە دژی ئێران کاردانەوەی سەربازی پیشان بدەین و هێرش بکەین.

 

پاش ئەوەی زانرا، کە حوسییەکان موشەکی ئێرانیان هاویشتووەتە سەر سعودیە، ئەمڕۆ جەیمز ماتیس، وەزیری بەرگری ئەمریکا لە وەڵامی پرسیاری ڕۆژنامەنووسێکدا سەبارەت بە ئەگەری هێرشی ئەمریکا بۆ سەر ئێران وتی، پێویست بە وەڵامدانەوەی سەربازی ناکات دژی ئێران.

 

جەیمز ماتیس، وتی: هەوڵدانی دیپلۆماتیک بەسە بۆ ئەوەی بە کۆمەڵگای نێودەوڵەتی بسەلمێندرێت، کە ئێران بە شوێن پێکانی چ ئامانج گەلێکە لە ناوچەکەدا.

 

هەروەها ڕەخنەی لە پشتگیریی ئێران بۆ بەشار ئەسەد و حزبوڵای لوبنان گرت و ڕایگەیاند: ئەوەی ئێران ئەنجامی دەدات و دەبێتە هۆی کوژرانی هاوڵاتیانی مەدەنی نایاساییە.

 

جێگای ئاماژەیە، کە ڕۆژی پێنج شەممە نیکی هەیلی، باڵیۆزی ئەمریکا لە ئەنجومەنی ئاسایشی نەتەوە یەکگرتووەکان ڕایگەیاند، کە ئەو موشەکانەی لە یەمەنەوە هاویشتراونەتە سەر ڕیازی پایتەختی سعودیە لەلایەن کۆمپانیای شەهید باقریی ئێرانەوە دروستکراون، کە بە هۆی چالاکییە سەربازییەکانییەوە لەلایەن ئەمریکاوە بایکۆت کراوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin