Smiley face
Smiley face
Smiley face

فڕۆکە جەنگییەکانی تورکیا بە ئاسمانی ئامێدی دا دەسوڕێنەوە

2017-12-16 14:32:40



ڕۆژنیوز – ئامێدی

 

دوای تۆپبارانکردنی مەتینا و سیدەکان لەلایەن تۆپخانەکانی سوپای تورک لە دەڤەری ئامێدی، لە ئێوارەی دوێنێ-وە فڕۆکە جەنگییەکانی دەوڵەتی تورک ناو بە ناو بە ئاسمانی ئامێدی-دا دەسوڕێنەوە.

 

دوێنێ سوپای تورک لە سەربازگەی کانی ماسی سەر بە شارۆچکەی ئامێدی دەڤەری بادینان-ەوە، گوندەکانی هەرێمی مەتینا و سیدەکانیان تۆپباران کرد.

 

لەدوای ئەو تۆپبارانەوە، فڕۆکە جەنگییەکانی دەوڵەتی تورک ناو بەناو بە ئاسمانی ئامێدی-دا دەسوڕێنەوە و لە کاتی ئامادەکردنی ئەم هەواڵەشدا سوڕانەوەی ئەو فڕۆکانە بەردەوامیی هەیە.

 

ئەمە لەکاتێکدایە، ماوەی سێ ڕۆژە فڕۆکە جەنگییەکانی تورکیا گوندەکانی سیدەکان بۆردوومان دەکەن و هێزێکی زۆری سوپا بە هەلیکۆپتەر هاتوونەتە ناوچەکە و جێگیربوون.

 

هێزەکانی پاراستنی گەل (هەپەگە)، دوێنێ لە راگەیەندراوێکدا ئاشکرایان کرد، کە سوپای تورک بە مەبەستی داگیرکردنی خاکی باشوری کوردستان سنووریان بەزاندووە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin