Smiley face
Smiley face
Smiley face

لە ڕووداوێکی تەمومژاویدا گەنجێکی کورد لە ئاسایشی ئانتالیا کوژرا

2017-12-16 12:47:53



ڕۆژنیوز - ناوەندی هەواڵەکان

 

پۆلیسی تورک شەوی ڕابردوو لە خاڵی پشکنینی ئانتالیا گەنجێکی کوردی بە ناوی 'م.ئا' دەستگیرکرد، پاشان ڕایگەیاند، کە 'م.ئا' لە بەڕێوەبەرایەتیی ئاسایش خۆی کوشتووە، بەڵام گومان هەیە کە پۆلیسی تورک ئەو گەنجەی لە ژێر ئەشکەنجەدا کوشتبێت.

 

پۆلیسی تورک ڕایگەیاند، کە 'م.ئا' ی تەمەن ٢٤ ساڵ شەوی ڕابردوو لە خاڵی پشکنینی ئانتالیا دەستگیرکراوەو پاشان لە نهۆمی سێیەمی بەڕێوەبەرایەتی ئاسایشی ئانتالیاوە خۆی بەرداوەتەوەو خۆی کوشتووە.

 

پاش ئەوەی 'م.ئا' لەلایەن پاسەوانەکانی جندرمەی ئانتالیاوە لێکۆڵینەوەی لەگەڵ کرا، بەڕێکرا بۆ بەرێوەبەرایەتی دژەتیرۆری ئاسایشی ئانتالیا، پۆلیسی تورک ڕایگەیاندووە، کە 'م.ئا' کاتژمێر ٠٦:٠٠ی ئێوارەی دوێنێ لە نهۆمی سێیەمی ئەو بینایەوە خۆی بەرداوەتەوە و خۆی کوشتووە.

 

تەرمی م.ئا گوازراوەتەوە بۆ پزیشکی دادی ئانتالیا.


خانەوادەی ئەو گەنجە دەڵێن، کە ئەگەری ئەوە هەیە کە کوڕەکەیان لەلایەن پۆلیسەوە و لە ژێر ئەشکەنجەدا کوژرابێت و ئەوەی کە خۆی بەرداوەتەوە تەنیا سیناریۆیەکی پۆلیس بێت، بۆ ئەوەی خۆی لە تاوانی کوشتنەکە بێبەری بکات.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin