Smiley face
Smiley face
Smiley face

نەتەوە یەکگرتووەکان: دەبێت ئەوانەی لە خورماتوو پێشێلکارییان ئەنجامداوە بدرێنە دادگا

2017-12-15 18:27:13



ڕۆژنیوز – ناوەندی هەواڵەکان

 

نەتەوە یەکگرتووەکان ڕایگەیاند، کە چەکدارە تورکمانەکانی شارۆچکەی خورماتوو، ماڵی کوردەکانیان لەو شارۆچکەیە تاڵان کردووە، ڕاشیگەیاندووە:"دەبێت بەرپرسانی حکومەتی عێراق ئەو کەسانەی کە مافەکانی مرۆڤیان لە خورماتوو پێشێلکردووە، ئاشکرایان بکەن و بیاندەنە دادگا"

 

ئەمڕۆ، کۆمسیۆنی باڵای مافەکانی مرۆڤ-ی نەتەوە یەکگرتووەکان، لەبارەی ڕووداوەکانی سوتاندن و تاڵانکردنی ماڵە کوردەکانی شارۆچکەی خورماتوو-ی سەر بە پارێزگای سەلاحەدین، کە لە مانگی ئۆکتۆبەری ئەمساڵ لە لایەن چەکدارانی عەشدی شەعبی، سوپای عێراق و هەندێک گرووپی چەکدارایی تورکمانەکانەوە کۆنترۆڵکرا، ڕاگەیەندراوێکی بڵاوکردەوە.

 

لە ڕاگەیەندراوەکەدا، هاتووە:"لە ڕۆژانی ١٦ و ١٧ ی مانگی ئۆکتۆبەر-ی ئەمساڵدا، لە لایەن چەکدارانی تورکمان و تورکمانە مەدەنییەکانی شارۆچکەی خورماتوو-ەوە، ژمارەیەکی زۆری ماڵی کورد لە خورماتوو سوتێندراوە و تاڵان کراوە".

 

ئاماژە بەوەشکراوە:"بەهۆی ڕووداوەکانی ١٦ ی ئۆکتۆبەری ئەمساڵ-ەوە، هەزاران کورد ناچاربوون خورماتوو چۆڵبکەن، ئەو کەسانەش لە بەشێک لە شار و شارۆچکەکانی دیکەی هەرێمی کوردستان نیشتەجێ بوون، ژمارەیەکی زۆر لەو کەسانەشی کە ناچاربوون شارۆچکەکەیان چۆڵبکەن، تاوەکو ئێستایش نەگەڕاونەتەوە سەر ماڵەکانیان".

 

لەبەشێكی دیکەی ڕاگەیەندراوەکەدا، نەتەوە یەکگرتووەکان جەختی لەوەشکردووەتەوە، کە شارۆچکەی خورماتوو ئێستا لەژێر کۆنترۆڵی حكومەتی عێراق-دایە و لە پاراستن و پێشێلکردنی مافەکانی مرۆڤ لەو شارۆچکەیە بەرپرسیارە.

 

هەروەها، ڕاشیگەیاندووە:"دەبێت بەرپرسانی حکومەتی عێراق ئەو کەسانەی کە لە خورماتوو پێشێلکارییان ئەنجماداوە ئاشکرایان بکەن و بیاندەنە دادگا".

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin