Smiley face
Smiley face
Smiley face

یەبەشە بانگەوازی یەکڕیزیی خەڵکی ئێزدی دەکات

2017-12-15 13:30:38



ڕۆژنیوز - ناوەندی هەواڵەکان


فەرماندەیی یەکینەکانی بەرخۆدانی شەنگال- یەبەشە بە بڵاوکردنەوەی ڕاگەیەندراوێک جەژنی ئێزیی پیرۆز کرد و بانگەوازی یەکڕیزیی خەڵکی ئێزدی کرد.


ئەمڕۆ بەبۆنەی جەژنی ئێزیی ئێزدییەکانەوە فەرماندەیی یەبەشە ڕاگەیەندراوێکی بڵاوکردەوە و وێنەیەکی بۆ ڕۆژنیوز ناردووە، یەبەشە لە ڕاگەیەندراوەکەدا جەژنی ئێزیی لە خەڵکی ئێزدی و عەبدوڵا ئۆجالان پیرۆزکرد.


فەرماندەیی یەبەشە ڕایگەیاند:" جەژنی ئێزیی پێش هەموو کەسێک لە زیندوکەرەوەی ئێزدخان، ڕێبەر ئاپۆ پیرۆزدەکەین، هەروەها ئەو جەژنە لە هەموو خەڵکی ئێزدی و هەموو کوردستان و لە هەموو شەهیدانی ڕێگای ئازادی پیرۆز دەکەین".


لە بەشێکی دیکەی ڕاگەیەندراوەکەدا هاتووە: هیوادارین کە لە نێوان هەموو گەلانی ڕۆژهەڵاتی ناوەڕاستدا برایەتی و یەکسانی پێکبێت.


یەبەشە لە ڕاگەیەندراوەکەیدا ئاماژەی بەوەشدا: بەرخۆدانی بێ هاوتای ئێزدخان بە پێشەنگایەتیی شەهیدان پێدەنێتە چوارەمین ساڵییەوە سەرەڕای هەموو ئاستەنگییەکان، تێکۆشان کرا و زەمینەکان ئامادەکرا بۆ گەیشتن بە ئازادی، پێویستە لەم سەردەمە مێژووییەدا تێکۆشانمان لە بواری سەربازی و هەموو بوارەکانی دیکەوە بەرفراوان بکەینەوە، تا ئەو کاتەی ئازادیی خەڵکەکەمان مسۆگەر ببێت.


لە کۆتاییدا یەبەشە ڕایگەیاندووە: بانگەوازیی خەڵکی ئێزدی دەکەین، کە جەژنی ئێزیی بکەنە هۆیەک بۆ یەکڕیزی و یەکگرتوویی.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin