Smiley face
Smiley face
Smiley face

لە ڕووداوێکی هاتووچۆدا ١٧ کەس بوونە قوربانی

2017-12-13 18:22:03



ڕۆژنیوز - هاوڕێ کرێکار

 

بەهۆی پێکدادانی سێ ئۆتۆمبێل-ەوە لەسەر ڕێگای سەرەکی نێوان کەلار-خانەقین، ١٧ کەس بوونە قوربانی، کە زۆرینەیان خوێندکاری وەرزش-ی زانکۆی گەرمیانن لە شارۆچکەی خانەقین.

 

دوای نیوەڕۆی ئەمڕۆ، لەسەر ڕێگای سەرەکی نێوان هەردوو شارۆچکەی کەلار-خانەقین، بەهۆی خێرا لێخوڕینەوە ڕووادوێکی هاتووچۆ ڕوویدا و قوربانی لێکەوتەوە.

 

نەقیب کارزان مەجید، بەڕێوبەری ڕاگەیاندنی پۆلیسی هاتووچۆی گەرمیان، بە ڕۆژنیوزی وت:"لە نزیک گوندی سەوزبڵاغ لە نێوان هەردوو شارۆچکەی کەلار و خانەقین، سێ ئۆتۆمبیل لە جۆرەکانی مینی پاس، هۆندا سۆناتا و بی ئێم، کەسێک گیانی لەدەستدا و ١٦ کەسی تریش بریندراربوو".

 

 

بەڕێوبەری ڕاگەیاندنی پۆلیسی هاتووچۆی گەرمیان، ڕوونیشیکردەوە:"ئۆتۆمبێلە بی ئێم-ەکە، لە شارۆچکەی کەلارەوە بە ئاراستەی شارۆچکەی خانەقین ڕۆیشتووە و خۆی بە مینی پاسەکەدا کێشاوە، کە بە ئاراستەی کەلار هاتووە، ئۆتۆمبیلە سۆناتاکەش خۆی کێشاوە پێیاندا، ڕووداوەکە لە ئەنجامی تیژڕەوی بووە و جگە لە زیانی گیانی، زیانێکی زۆری ماددی بەر هەرسێ ئۆتۆمبێلەکە کەوتووە".

 

کارزان مەجید، ئاماژەی بەوەشکرد:"بریندارەکانی ڕووداوەکە گوازراونەتەوە بۆ نەخۆشخانەی فریاکەوتنی شەهید هەژار لەکەلار، کە خوێندکاری کۆلێژی وەرزش-ی سەر بە زانکۆی گەرمیانن لە شارۆچکەی خانەقین".

 

بەپێی زانیارییەکانی ڕۆژنیوز، ئەو کەسەی گیانی لەدەستداوە، شۆفێری ئۆتۆمبێلە بی ئێم-ەکەیە، کە دانیشتووی شارۆچکەی خانەقین-ە و سێ لە بریندارەکانیش بەهۆی سەختی برینەکانیانەوە ڕەوانەی نەخۆشخانەی فریاکەوتنی سلێمانی کراون.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin