Smiley face
Smiley face
Smiley face

حزبە کوردستانییەکانی کەرکوک: پێویستە بە پێی دەستوور ڕێگریی لە دەستدرێژییەکان بکرێت

2017-12-13 16:09:57



ڕۆژنیوز – سۆران محەمەد

 

حزبه کوردستانییەکانی شاری کەرکوک لە کۆبونەوەیەکدا جەختیان لەسەر یەکڕیزیی نێو ماڵی کورد کردەوە و رێککەتن لەسەر ئەوەی، کە بەپێی دەستور ڕێگریی لە دەستدرێژیەکان بکرێت.

 

ئەمڕۆ، حزبە کوردستانییەکانی شاری کەرکوک لە بارەگای مەکتەب سیاسی یەکێتی لە سەر بارودۆخی کەرکوک و ناوچە دابڕێندراوەکانی خورماتوو بە بێ پارتی و سۆسیالست کۆبوونەوە و دوای کۆبوونەوەکە ڕاگەیەندراوێکیان لە کۆنگرەیەکی ڕۆژنامەنووسیدا خوێندەوە.

 

ڕەوەند مەلا مەحمود، جێگری لێپرسراوی مەڵبەندی دووی یەکێتی لە کەرکوک، ڕاگەیەندراوەکەی خوێندەوە کە تێیدا هاتووە: پێویستە لەگەڵ گەلەکەمان بمێنینەوە و خەباتی مەدەنی وسیاسی خۆمان پەرە پێبدەین و بۆ بەدەست هێنانی داوا ڕەواکانیان، وە هەرجۆرە دەستدرێژییەک بکرێتە سەر ماڵی هاوڵاتیان و ژیانیان، ئەوا بە دەستوور و یاسا ڕێگریی لێبکرێت.

 

هەروەها، هاتبوو: پێویستە بە هەماهەنگی یەکتر خاوەندارییەتی بکەین لە خوێنی هەموو شەهیدان و لایەنە کانی کوردستان و بەتایبەت لایەنە کوردییەکانی ناو شاری کەرکووک پێکەوە هەوڵی پاراستنی مییلـلەتەکەیان بدەن و خۆیان بە بەرپرسیار بزانن لە بەرامبەر پاراستنی گەلدا.

 

هەر لە ڕاگەیەندراوەکەدا هاتبوو: پێویستە پارێزگاریی لە سەرجەم نەتەوەکانی کەرکوک بکرێت و ڕێزیان لێ بگیرێت.

 

لە کۆتایی ڕاگەیەندراوەکەدا، ئیدانەی ڕەشە کوژیی و ماڵ سوتاندنی ناو شارۆچکەی خورماتوو کرا و و بڕیاردرا بە پارێزگاری لێکردنیان تا دەگەڕێنەوە زێدی باوباپیرانیان، دڵنیایی بدرێتە ئاوارەکانی کەرکوک و هەوڵی گەڕانەوەیان بدرێت.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin