Smiley face
Smiley face
Smiley face

لە خوێندنگایەکی گەرمیان بایکۆتی دەوام ڕاگەیەندرا

2017-12-12 19:47:24



ڕۆژنیوز - هاوڕێ کرێکار

 

مامۆستایانی خوێندنگایەکی ئامادەیی لە سنووری گەرمیان، بەهۆی دواکەوتنی مووچەکانیانەوە، بڕیاری بایکۆتکردنی دەوامیاندا و ناچنە هۆڵەکانی خوێندنەوە تا کاتێکی نادیار.

 

ئێوارەی ئەمڕۆ، دەستەی مامۆستایانی خوێندنگای ئامادەیی گەرمیان، لە شارەدێی ڕزگاری سەر بە شارۆچکەی کەلاری ناوەندی ئیدارەی گەرمیان، بایکۆتی هۆڵەکانی خوێندنیان ڕاگەیاند.

 

دلێر کەریم، مامۆستا لە خوێندنگای ئامادەیی گەرمیان، بۆ ڕۆژنیوز قسەیکرد و وتی:"وەک مامۆستایانی خوێندنگای ئامادەیی گەرمیان لە شارەدێی ڕزگاری، بە کۆی دەنگ بڕیاری بایکۆتکردنی هۆڵەکانی خوێندنماندا".

 

 

وتیشی:"پایکۆتکردنمان پەیوەندی بە دواکەوتنی مووچەکانمانەوە هەیە و مامۆستایان پارەیان نییە و ژمارەیەک مامۆستایشمان لە کەلار-ەوە هاتووچۆ دەکەن و پارەیان نییە، بۆیە بڕیاری بایکۆتماندا".

 

دلێر کەریم، دەشڵێت:"بەهەموو شێوەیەک هۆڵەکانی خۆندن-مان بایکۆت کردووە و ناچینە دەوام و دەوامکردنی  خوێندنگاکانی دیکەی گەرمیان و ناوچەکەش کاریگەریی لەسەر ئێمە نابێت".

 

لە لایەکی دیکەیشەوە، نەبەرد ئەحمەد، نوێنەری مامۆستایانی ناڕازیی لە گەرمیان، بۆ ڕۆژنیوز وتی:"سەبارەت بە خۆپیشاندان و بایکۆتکردنی هۆڵەکانی خوێندن، بەهۆی نەهاتنی مووچە-ەوە، کۆبوونەوەیەکمان کردووە و لەم ڕۆژانەدا لەگەڵ بەڕێوبەری خوێندنگاکان قسەدەکەین و بڕیار دەدەین".

 

ب.ل  



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin