Smiley face
Smiley face
Smiley face

کەنەکە لێکۆڵینەوە لە تەقینەوەکەی کامپی پەنابەرانی مەخمور دەکات

2017-12-12 17:58:58



ڕۆژنیوز – مەخمور

 

ئەو شاندەی کەنەکە کە سەردانی کامپی پەنابەرانی شەهید ڕۆستەم جودی کرد، لێکۆڵینەوەی لە شوێنی تەقینەوەکەی کامپەکە کرد، هاوکات ئەو هێرشەیان شەرمەزارکرد و پشتگیرییان بۆ دانیشتووانی کامپەکە دووپات کردەوە.

 

ئەمڕۆ، شاندێکی کۆنگرەی نەتەوەیی کوردستان-کەنەکە، بە سەرۆکایەتی ڕێبوار ڕەشید، هاوسەرۆکی کۆنگرەی نەتەوەیی کوردستان، سەردانی کامپی پەنابەرانی شەهید ڕۆستەم جودی-یان کرد، لە شارۆچکەی مەخمور-ی سەر بە پارێزگای موسڵ.

 

 

شاندەکەی کەنەکە بەگەرمی لەلایەن بەڕێوەبەری ئەنجومەنی گەل-ی مەخمور و دەزگای کاری دەرەوە و شارەوانی کامپی شەهید ڕۆستەم جودی-یەوە پێشوازییان لێکرا، دواتر کۆبوونەوەیەکیان ئەنجامدا.

 

دوای کۆبوونەوەکە، شاندەکەی کەنەکە سەردانی دەزگای بنەماڵەی شەهیدان و شوێنی تەقینەوەکەی شەوی ٦ ی ئەم مانگەیان کرد لە کامپەکە.

 

لە کۆنگرەیەکی ڕۆژنامەنووسیدا لەشوێنی تەقینەوەکە، ڕێبوار ڕەشید، هاوسەرۆکی کۆنگرەی نەتەوەی کوردستان قسەیکرد و ڕایگەیاند، کە بۆ لێکۆڵینەوە لە هێرشەکەی سەر هێزەکانی پاراستنی جەوهەری کامپی پەنابەرانی مەخمور هاتوون، وتیشی:"ئێمە ئەم هێرشە نامرۆڤانەیە لەدژی دانیشتووانی کامپی مەخمور شەرمەزار دەکەین".

 

 

هاوسەرۆکی کەنەکە، وتیشی:"ئەوانەی لێرەن چەکدارنین، لەدژی دەوڵەتی تورک بە چەک شەڕ ناکەن، بۆئەوەی خۆیان لە هێرشی چەتەکانی داعش و چەکدارانی تر بپارێزێن، هێزێکی خۆپاراستنی جەوهەرییان دروستکردووە، دەبێت یەکگرتوویی و یەکبوونی خۆمان دروست بکەین، چۆن خاوەن لە گەلەکەمان لە ڕۆژهەڵات دەرکەوتین، کە بەهۆی بومەلەرزەکەوە تووشی زیان بوون، هەروەها خاوەن لە گەلەکەمان لە ڕۆژئاوا دەرکەوتین، دەبێت بەهەمان شێوە لەهەموو شوێنێک لەبەرامبەر هەر مەترسییەک بەرامبەر گەلەکەمان، سەرمان بەزر بکەینەوە".

 

دواتریش، حسێن قەرە، هاوسەرۆکی هاوسەرۆکی بەڕێوەبەریی ئەنجومەنی گەل-ی مەخمور، قسەیکرد و وتی:"تاکە چارەسەر لەبەرامبەر هەموو هیرشەکانی سەر گەلی کورد، یەکێتی نەتەوەیی و یەکبوونی گەلەکەمانە، بۆ ئەوەش دەبێت بەزووترین کات هەموو حزبەکان، ڕێکخستن و دامەزراوە سیاسییەکان یەکبگرن و بۆ پێکهێنانی یەکێتی نەتەوەیی کار بکەن، ئەگەر ئەمە نەبێت، ئەوا هەمیشە هێرشی وا لەسەر گەلی کورد پێکدێت".

 

 

حسێن قەرە، وتیشی:"با دوژمنەکانمان باش بزانن، کە گەلەکەمان لە کامپی پەنابەرانی شەهید ڕۆستەم جودی، لە هەموو هەلومەرجێکدا بەرگری دەکات".

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin