Smiley face
Smiley face
Smiley face

نزیکەی مانگێکە دوو پێشمەرگەی کۆمەڵە لە کەرکوک دەستگیرکراون

2017-12-11 18:29:02



ڕۆژنیوز – ناوەندی هەواڵەکان

 

سکرتاریەتی کۆمەڵەی شۆڕشگێڕی زەحمەتکێشانی کوردستانی ئێران ڕایدەگەیەنێت: نزیکەی مانگێکە دوو پێشمەرگەمان لە شاری کەرکوک لە لایەن هێزە عێراقییەکانەوە دەستگیرکراون.

 

بەپێی ڕاگەیەندراوێکی سکرتاریەتی کۆمەڵەی شۆڕشگێڕی زەحمەتکێشانی کوردستانی ئێران، ڕۆژی ١٧ی نۆڤەمبەری ٢٠١٧ی، دوو پێشمەرگەی کۆمەڵە لە کاتی چوونیان لە سلێمانییەوە بۆ ھەولێر بە ھەڵە بە بازگەیەکی ھێزە عێراقییەکان لە نزیک کەرکوکدا تێپەڕیون و لە لایەن ئەو ھێزانەوە دەستگیرکراون.

 

ئەوەش خراوەڕوو:"کۆمەڵەی شۆڕشگێڕ ھەر لە یەکەم ساتەکانی ئەم ڕووداوەوە لە ڕێگەی دام و دەزگاکانی پێوەندیدار لە کوردستانی باشور، لە ھەوڵی ئازادکردنی ئەم پێشمەرگانەی دایە".

 

هەر لە ڕاگەیەندراوەکەدا، کۆمەڵە ئاماژەی بەوەشکردووە، کە ئەو پێشمەرگانە ھیچ یاسایەکی ھەرێمی کوردستان و یا خود ھیچ یاسایەکی عێراقیان پێشێل نەکردووە و ھیچ پاساوێکیش بۆ دەستگیرییان نییە و دەبێت ئازاد بکرێن.

 

لەکۆتایی ڕاگەیەندراوەکەدا، کۆمەڵەی شۆڕشگێڕی زەحمەتکێشانی کوردستانی ئێران جەختیشی کردووەتەوە:"ئێمە لە ھەوڵەکانی خۆمان بۆ رزگاربوونی ئەم دوو پێشمەرگە بەردەوام دەبین".

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin