Smiley face
Smiley face
Smiley face

کورد گۆڕینی قائیمقامی خورماتووی پەکخست

2017-12-11 13:53:30



ڕۆژنیوز ـ هاوڕێ کرێکار

 

بەهۆی ئامادەنەبوونى کورد و تەواونەبوونی هەژماری یاسایی بۆ دانیشیتنی ئەنجومەنی شارۆچکەی خورماتوو، هەوڵی گۆڕینی قائیمقامە کوردەکەی خورماتوو شکستیهێنا و دانیشتنەکە دواخرا.

 

ئەمڕۆ، ئەحمەد عەبدوڵا، پارێزگاری سەلاحەدین و شاندێکی یاوەری، بە مەبەستى بەشداربوون لە دانیشتنی ئەنجومەنی شارۆچکەکە و گۆڕینی شەلال عەبدول، قائیمقامی کوردی خورماتوو و دانانى قائیمقامێکى نوێی، گەیشتە شارۆچکەى خورماتوو. 

 

سەبارەت بە دەرئەنجامی دانیشتەنەکە، سەردار ئەحمەد، ئەندامى کوردی ئەنجومەنى شارۆچکەى خورماتوو، بە ڕۆژنیوزی وت: بەهۆی ئامادەنەبوونى تەواوی ئەندامانى ئەنجومەن بە تایبەت کورد، دانانى قائیمقامی نوێ دواخرا بۆ سبەینێ.

 

 

سەردار، وتیشی: ئەنجومەنەکە حەوت ئەندامی کوردیی هەیە کەسمان ئامادەنەبووین، تەنها حەوت ئەندامى لیستی تورکمان و دوو عەرەب ئامادەبوون، لە کۆی ٢١ ئەندامی ئەنجومەن.

 

سەردار ئەحمەد، وتیشی: پارێزگار سەرۆکى ئەنجومەنى خورماتووى ڕاسپارد بۆ بانگهێشتکردنی سەرجەم ئەندامانی ئەنجومەن بە کورد و عەرەب و تورکامن لە دانیشتنی سبەینێ-دا و بڕیارە لە دانیشتەنەکەدا قائیقامی نوێ هەڵبژێردرێت، بەڵام ئێمە وەک کورد تا ئێستا بریارمان نەداوە، کە بەشدار دەبین یان نا.

 

ئەو ئەندامەی ئەنجومەنی خورماتوو، ئەوەشی خستەڕوو، کە بە پێی یاسا دەبێت قائیمقامى شارۆچکەکە دەست لەکار بکێشێتەوە و پاشان ئەنجومەن ماوەیەک دیاریی بکات بۆ ئەوەى کەسێک خۆی کاندید بکات بۆ ئەو پۆستە، بەڵام لیستی تورکمانیی وەک ئەوەى خۆیان خاوەنى هێزى یەکەم بن، بێ ڕێکارە یاساییەکان، کەسێکیان داناوە بۆ ئەندام ئەنجومەن .

 

لە دواى هێرشەکەی حەشدی شەعبی و سوپای عێراق لە ١٦ى ئۆکتۆبەر بۆسەر شارۆچکەی خورماتوو، دانیشتوانە کوردەکە خورماتوویان بەجێهیشت و ئاوارەبوون، لەوکاتەوەشەوە شەلال عەبدول، کە هەتا ئێستا بەپیی یاسا قائیمقامی شارۆچکەکەیە نەگەڕاوەتەوە بۆ خورماتوو، ئەمەش بیناووی داوە بە تورکمانەکان، کە ئەو پۆستە لە کورد وەربگرنەوە و ئەندامێکی خۆیانیان بەناوی حەسەن زین ئەلعابدین، کاندیدکردووە بۆ شوێنگرتنەوەی.

 

شەلال عەبدول

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin