Smiley face
Smiley face
Smiley face

دادگاییکردنی زیاتر لە ١٥٠ ئەندامی هەدەپە دەستیپێکرد

2017-12-11 13:08:44



رۆژنیوز - ناوەندی هەواڵەکان

 

دادگاییکردنی زیاتر لە ١٥٠ ئەندامی پارتی دیموکراتی گەلان- هەدەپە، کە لە شاری مانیسای تورکیا دەستگیرکراون و زۆربەیان زیندانین دەستیپێکرد، بایدەمیریش ڕایدەگەیەنێت: ئەگەر دادگەریی هەبێت دەبێت ئەمڕۆ هەموویان ئازادبکرێن.

 

ئەمڕۆ پێش دەستپێکردنی دادگاییکردنی ئەو ئەندامانەی هەدەپە، لە بەردەم دادگای مانیسادا کۆنگرەیەکی ڕۆژنامەنووسی بەرێووەچوو، عوسمان بایدەمیر، جێگری هاوسەرۆکانی هەدەپە لەو کۆنگرە رۆژنامەنووسییەدا قسەیکرد.

 

بایدەمیر، وتی: دادگەریی هەوێنی کۆمەڵگایە، ئەگەر لە کۆمەڵگایەکدا دادگەری پێشێلبکرێت، دیارە هەوێنی کۆمەڵگاکە خراپبووە، ئەوەش بەو واتایە دێت، کە زەمینەکان بۆ پێکەوەژیان لە ناو چوون.

 

بایدەمیر وتیشی: ئەگەر لەم وڵاتەدا شتێک بە ناوی دادگەری هەبوونی مابێت، دەبێت ئەمڕۆ هەموو ئەندامانی دەستگیرکراوی هەدەپە ئازادبکرێن، زیاتر لە ١٥٠ هەڤاڵمان لە مانیسا دەستگیرکراون و ئەمڕۆ دادگاییەکەیان دەستپێدەکات، دەبێت بێبەری بکرێن و پاشان داوای لێبوردنیان لێبکرێت.

 

ئەوەشێ وت، کە لە سەر ناوی دۆسییەک بە ناوی کەجەکەوە زیاتر لە ١٠ هەزار سیاسەتمەداری کورد خراونەتە زیندانەکانەوە، بەڵام هەدەپە هەرگیز لە بەرامبەر ئەو زۆردارییانە سەری دانەنەواند و سەریش دانانەوێنێت.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin