Smiley face
Smiley face
Smiley face

شەڕڤانان فڕۆکەیەکی بێ سەرنشینی سوپای تورکیان خستە خوارەوە.. ڤیدیۆ

2017-12-11 12:58:47



ڕۆژنیوز - ناوەندی هەواڵەکان

 

شەڕڤانانی یەپەگە و یەپەژە بەردەوامن لە بەرخۆدانیان لە بەرامبەر هێرشەکانی سوپای تورک و چەتەکانی سەر بەو وڵاتە لەسەر کانتۆنەکانی عەفرین و شەهبا و فڕۆکەیەکی بێ سەرنشینی سوپای تورکیان خستە خوارەوە.

 

سوپای تورک پاش شکستهێنانەکانی لە بەرامبەر بەرخۆدانی شەرڤاناندا، دەستی داوەتە بەکارهێنانی تاکتیتەکانی چەتەکانی داعش بۆ هێرش بۆ سەر عەفرین و شەهبا، بۆ ئەوەش فڕۆکەی بێ سەرنشینی (درۆن) بەکاردێنێت.

 

یەکێک لە تاکتیکەکانی چەتەکانی داعش لە شەڕی دژی شەڕڤاناندا، بەکارهێنانی فڕۆکەی بێ سەرنشینی بۆمب هاویژ بەناوی 'درۆن' بوو، ئێستا ئەوە بووەتە سەرچاوەی ئیلهام بۆ سوپای تورک و هەمان تاکتیک دژی شەڕڤانان بەکاردێنێت.

 

ناوەندی ڕاگەیاندنی یەپەگە ڤیدیۆیەکی بڵاوکردووەتەوەو تێیدا خستنە خوارەوەی فڕۆکە بێ سەرنشینەکەی سوپای تورکی وێنە گرتووە.

 

ناوەندی ڕاگەیاندنی یەپەگە ڕایگەیاندووە: فڕۆکە سیخوڕییەکانی سوپای تورک رۆژانە بە سەر ئاسمانی خاڵەکانی شەڕڤانان لە عەفرین و شەهبادا دەسوورێنەوە، ئەو فرۆکانە هەموو ڕۆژێک لە کاتژمێر ١٢:٠٠وە بۆ ٠٤:٠٠ی پاشنیوەڕۆ بە سەر ئاسماندا دەسووڕێنەوە، ئەو فڕۆکانە لە کاتی سووڕانەوەی بە سەر خاڵەکانی شەرڤاناندا بۆمب دەخەنە خوارەوە، لە هەرشوێنێک کە قەرەباڵغیی لێبێت بۆمبی لێ دەخاتەخوارەوە".

 

شەڕڤانانی یەپەگە و یەپەژە بە مەبەستی وەڵامدانەوەی ئەو هێرشانە موشەکێکیان هاویشتە سەر کۆبوونەوەیەکی چەتەکانی سەربە تورکیا لە گوندی بەلونییەی سەربە شارۆچکەی شەرای کانتۆنی عەفرین.

 

هەروەها فڕۆکەیەکی بێ سەرنشینی سوپای تورکیان خستە خوارەوە لە کاتێکدا بە ئاسماندا ناوچەکەدا سوڕاوەتەوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin