Smiley face
Smiley face
Smiley face

کەیسی ژنانی خورماتوو دەگەیەندرێتە دادگای لاهای

2017-12-10 12:54:52



ڕۆژنیوز - کەلار

 

لیژنەی داکۆکییکردن لە مافەکانی ئافرەتان، سەردانی ئیدارەی گەرمیان دەکات، بە مەبەستی بەدواداچوون بۆ کێشەی ژنانی خورماتوو و گەیاندنی بە دادگای لاهای، لە دوای هاتنی حەشدی شەعبی و ئەندامێکی لیژنەکەش دەڵێت: چەکدارانی حەشدی شەعبی دەستدرێژیی سێکسییان کردووەتە سەر چەند ژنێک.


ئەمڕۆ، لیژنەی داکۆکیکردن لە مافەکانی ئافرەتان لە پەرلەمانی هەرێمی کوردستان سەردانی ئیدارەی گەرمیانی کرد بەمەبەستی سەردانیکردنی ئاوارەکانی شارۆچکەی خورماتوو  لە سنوورەکە، کە ژمارەیە حەوت هەزار خێزان و ٣٢ هەزار کەسە و بەمەبەستی بەدواداچوون بۆ دۆخی ژنان و منداڵانی خورماتوو.

 

 

ئیڤار ئیبراهیم، سەرۆکی لیژنەی داکۆکیکردن لە مافەکانی ئافرەتان لە پەرلەمانی هەرێمی کوردستان لە کۆنگرەیەکی ڕۆژنامەنووسیدا وتی:"لەلایەن سەرۆکایەتی پەرلەمانەوە راسپێردراوین بۆ ئەوەی بەدواداچوون بۆ ڕەوشی ئاوارەکانی خورماتوو بکەین".

 

وتیشی:"لە هەر ناوچەیەکدا شەڕ ڕوودەدات، ژنان دەبنە قوربانی، لەدوای ١٦ی ئۆکتۆبەر-یشەوە ژنانی خورماتوو هاوشێوەی ژنانی ئێزدیی بوونە قوربانیی".


دواتر، کەژاڵ هادی، جێگری سەرۆکی لیژنەی داکۆکیکردن لەمافەکانی ئافرەتان ڕایگەیاند"لەئایندەیەکی نزیکدا لەگەڵ سەرجەم کونسوڵخانەکانی وڵاتان کۆدەبینەوە و دەمانەوێت کار لەسەر پرسی ژنان و منداڵان بکەین لە ئاستی نێودەوڵەتیی".

 

هاوکات، حەیات مەجید، بڕیاردەری لیژنەی داکۆکیکردن لەمافەکانی ئافرەتان  وتی:"کۆمەڵێک داتای زۆرمان وەرگرتووە، لە ڕاپۆرتێکدا دەینێرین بۆ حکومەتی هەرێمی کوردستان و بۆ وەزارەتی تەندروستی و پەروەردە و کاروباری کۆمەڵایەتی ناوخۆ، بۆئەوەی کاری لەسەر بکەن، هەروەها دەمانەوێت بیگەیەنین بە وڵاتانی دەرەوە و دادگای لاهای.

 

سەبارەت بەوەی، کە ئایا ئەو داتایانە هیچ دەستدرێژییکردنێکی بۆسەر ژنان تێدایە؟، حەیات مەجید، وتی:"بەڵێ، شەش بۆ حەوت کەیس هەیە، کە زۆربەیان دەستدرێژیی سێکسین و لەلایەن چەکدارانی حەشدی شەعبییەوە کراون".

 

 

ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin