Smiley face
Smiley face
Smiley face

تەرمی ژنێك دۆزرایەوە

2017-12-07 19:21:08



ڕۆژنیوز – هاوار ستار

 

تەرمی ژنێك لە سنووری شارەدێیی شوان دۆزرایەوە کە ئاسەواری چەند فیشەکێکی پێوەیە، بەڕێوبەری پۆلیسی شارەدێکەش دەڵێت:"تا ئێستا کەسوکاری ژنەکە دەرنەکەوتووە و نەناسراوەتەوە".

 

پاش نیوەڕۆی ئەمڕۆ ٧ی کانوونی یەکەم، لە نزیک گوندی تۆمار-ی سەر بە شاردێی شوان لە پارێزگای کەرکوک، تەرمی ژنێک دۆزرایەوە.

 

عەقید شوان مەجید، بەرێوبەری پۆلیسی شارەدێی شوان، بە ڕۆژنیوزی ڕاگەیاند: ئێوارەی ئەمڕۆ لە لایەن شوانێکەوە ئاگادارکراینەوە لە بوونی تەرمی ژنێک کە بە فیشەك کوژراوە.

 

وتیشی: پاش ئەوەی تیمی تایبەتی بەرێوبەرایەتییەکەمان چوونە شوێنەکە و تەرمەکەیان هەڵگرتەوە، پاش پشکنینی سەرەتایی، دەرکەوت فیشەکێک لەپشتی سەر-ییەوە لێیدراوە و لە دەموچاوییەوە دەرهاتووە و فیشەکێکی دیکەش بە جەستیەیەوە بووە.

 

عەقید شوان مەجید، ئاماژەی بەوەشکرد: دوای ڕێکاری خۆمان، تەرمەکەمان ڕەوانەی پزیشکی دادوەری کەرکوک کردووە، بەڵام تائێستا نەناسراوەتەوە.

 

بەڕێوبەری پۆلیسی شارەدێی شوان، وتیشی: ئەو ژنە بەپێی تەرمەکەی بێت تەمەنی لە نێوان ٣٠ بۆ ٤٠ ساڵدایە و بەپێی لێکۆڵینەوەکان پێدەچێ هەر خەڵکی ئەو ناوچەیە بێت، بەڵام تائێستا تەنها پەیوەندیمان پێوەکراوە و کەس نەهاتووە بۆ سۆراخی و تۆمارکردنی سکاڵا لەسەر هەرکەسێک لە چۆنیەتی ئەو ڕووداوە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin