Smiley face
Smiley face
Smiley face

کۆنگرەی گەل: ئەوانەی هێرشەکەی مەخمور-یان ئەنجامداوە هاوکاری داعش-ن

2017-12-07 18:00:52



ڕۆژنیوز – ناوەندی هەواڵەکان

 

کۆنگرەی گەل هێرشەکەی سەر کامپی پەنابەرانی شەهید ڕۆستەم جودی لە مەخمور بەتوندی شەرمەزار کرد، دەشڵێت:"ئەوانەی هێرشیان کردووەتە سەر مەخمور، دیارە هاوکاری داعش-ن".

 

ئێوارەی ئەمڕۆ، دیوانی هاوسەرۆکایەتی کۆنگرەی گەل، لەبارەی هێرشەکەی شەوی ڕابردووی سەر کامپی پەنابەرانی شەهید ڕۆستەم جودی-یەوە، بەیاننامەیەکی بڵاکردەوە.

 

لە بەیاننامەکەدا، هاتووە:"هێرشەکەی سەر کامپی پەنابەرانی مەخمور بەتوندی شەرمەزار دەکەین، سەرەخۆشی لە خەڵکی مەخمور و تەواوی گەلی کورد دەکەین".

 

ئەوەش هاتووە:"ئەوانەی ئەم هێرشەیان ئەنجامداوە، دوژمنی هەبوون و بەهاکانی کورد-ن".

 

لەبەشێکی دیکەی بەیاننامەکەدا، هاتووە:"کامپی مەخمور لەژێر چاودێری و بەرپرسیارێتی نەتەوە یەکگرتووەکان دایە، هەتا ئیستاش هیچ بەرپرسێکی نەتەوە یەکگرتووەکان لێدوانێکیان نەداوە، لەهەمن کاتدا، هێڵی ناوچە ئاسمانییەکانی مەخمور لەژێر کۆنترۆڵی حکومەتی عێراق-دان، حکومەتی عێراقیش هیچ لێدوانێکی نەداوە، پێویستە نەتەوە یەکگرتووەکان و حکومەتی عێراق بەرپرسیارێتی خۆیان بەجێ بهێنن".

 

کۆنگرەی گەل، دەشڵێت:"ئەوانەی ئەم هێرشەیان ئەنجام داوە، دیارە کە هاوکاری چەتەکانی داعش-ن، پێویستە نەتەوە یەکگرتووەکانی ئەمریکا کە لەدژی چەتەکانی داعش شەڕ دەکات، ئەم ڕووداوە ڕوون بکاتەوە".

 

هەر لەدرێژەی بەیاننامەکەدا، کۆنگرەی گەل، ئاماژەی بەوەشکردووە:"کامپی مەخمور چەندین ساڵە لەدژی زوڵمی دەوڵەتی تورک وەستاوەتەوە، بەهەموو دەرفەتێکییەوە بۆ ئازادی گەلەکەمان تێکۆشانی کردووە، پشتگیریکردن لە گەلی مەخمور، پێوەری ئەخلاقی و بنەڕەتی وڵاتپارێزییە".

 

لەکۆتایی بەیاننامەکەدا، کۆنگرەی گەل جەختی کردووەتەوە:"پێویستە لەسەر بنەمای خاوەنداریکردن لە گەلی مەخمور، بەرخۆدانی خۆمان فراوانتر بکەین و یەکێتی و یەکگرتووی نەتەوەیی بەهێزتر بکەین".

 

ب.ل 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin