Smiley face
Smiley face
Smiley face

کەنەکە: دەبێت حکومەتی هەرێم و نەتەوە یەکگرتووەکان لێکۆڵینەوەی فراوان بکەن

2017-12-07 15:29:01



ڕۆژنیوز - ناوەندی هەواڵەکان

 

کۆنگرەی نەتەوەیی کوردستان- کەنەکە، سەبارەت بە هێرشە ئاسمانییەکەی شەوی ڕابردوو بۆ سەر کامپی پەنابەرانی شەهید ڕوستەم جودی لە مەخمور، ڕاگەیەندراوێکی بڵاوکردەوەو داوای لە نەتەوە یەکگرتووەکان کرد، کە لەو بارەیەوە لێکۆڵینە ئەنجام بدات.

 

شەوی ڕابردوو کاتژمێر ٠٦:٤٥ خولەک هێرشێکی موشەکی کرایە سەر هاوڵاتیانی مەدەنی لە کامپی مەخمورو ئەنجامەکەی هەشت قوربانی لێکەوتەوە، لەوبارەیەوە ئەمڕۆ کەنەکە ڕاگەیەندراوێکی بڵاوکردەوە.

 

کەنەکە ڕایگەیاند: بەرپرسیارێتی چاودێری، ئاسایش و بەڕێوەبردنی کامپی شەهید ڕوستەم جودی لە ئەستۆی نەتەوە یەکگرتووەکاندایە، پێویستە نەتەوە یەکگرتووەکان لەو بارەیەوە لێکۆڵینەوە ئەنجام بدات و بیر لەوە بکاتەوە، کە چۆن لە داهاتوودا ئاسایشی هاوڵاتیان لەو کامپەدا بپارێزێت.

 

ڕاشیگەیاند: لەم دۆخە هەستیارەدا ئەرکی حکومەتی هەرێمی کوردستانە کە لە بارەی هێرشەکەوە لێکۆڵینەوەی بەرفراوان ئەنجام بدات، هێزە داگیرکەرەکان بە تەمان فتنەچێتی دژی گەلی کوردن، قەیران و ئاڵۆزی لە ناو کورد دا دەنێنەوە، ئاگری شەڕ و دوژمنایەتی لە نێوانیاندا هەڵدەگیرسێنن.

 

کەنەکە لە کۆتایی ڕاگەیەندراوەکەیدا بانگەوازیی یەکێتی گەلی کوردی کرد و ڕایگەیاند: پێویستە گەلی کورد پشتگیریی وڵاتی خۆیان بکەن، لە بەرامبەر پیلانگێڕیی دوژمندا هۆشیاربن و دژی دوژمن یەکبگرن، ئێستا کاتی یەکێتی کوردە، ئێمە وەک کەنەکە ئەو هێرشە بە توندی شەرمەزاردەکەین، سەرەخۆشی لە خانەوادەی شەهیدان دەکەین و هیوای چارەسەریی بۆ برینداران دەخوازین.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin