Smiley face
Smiley face
Smiley face

چوار کچ لە یەک کاتدا هەوڵی خۆکوشتنیان دا

2017-12-07 11:16:13



ڕۆژنیوز - ناوەندی هەواڵەکان

 

لە یەکێک لە ناوەندەکانی خانەی نەوجەوانان لە لەشاری مەشهەد، چوارکچ لە یەک کاتدا هەوڵی خۆکوشتنیان دا، بەرپرسانی ئەو ناوەندەش دەڵێن: گوایە یەکێکیان باری دەرونیی ناجێگیربووە و سیانەکەی دیکەش لاسایی ئەو کەسەیان کردووەتەوە.

 

 بەپێی هەواڵێکی ناوەندی هەرانا، بەرپرسی پەیوەندە گشتییەکانی خانەی نەوجەوانان، کە دوانیوەڕۆی ٤ی ئەم مانگە، چوار کچی گەنج لە یەکێک لە ناوەندەکانی خانەی نەوجەوانان لە شاری مەشهەدی ئێران هەوڵی خۆکوشتنیان داوە و بە گەیشتنی بەرپرسانی ئەو ناوەندە بۆ شوێنی ڕووداوەکە، هەر چوارکچەکە گەیەندراونەتە نەخۆشخانە.

 

ئەو ناوەندە، جۆری هەوڵەکەی دەستنیشان نەکردووە، بەڵام ئەو نەوجەوانانە بە هۆکاری جۆراوجۆر لە خانەوادەکانیان جیابوونەتەوە و بە بڕیاری دادگا ئەو منداڵانە دراون بە ناوەندەکانی خانەی نەوجەوانان.

 

دەربارەی هۆکارەکە، ئاماژە بەوە دراوە کە یەکێک لەو کچانە لەبەر ناجێگربوونی باری دەروونی هەوڵی خۆکوشتنی داوە و سێ کچەکەی تریش بە لاسایکردنەوەی هاوڕێکەیان ئەو کارەیان ئەنجامداوە.

 

بەپێی لێدوانەکانی ناوەندی پزیشکی دوان لەو گەنجانە ماوەیەک بەر لەو ڕووداوە بە هۆکاری کێشەی خێزانی  ودەروونی ماوەیەک لە نەخۆشخانەی دەروونیدا ماونەتەوە و ئێستا دۆخی ئەوان باشە و لە ژێر چاوەدێری و چارەسەریدان.

 

هەر سەبارەت بەم ڕووداوە کۆمەڵەی مافی مرۆڤ باوەڕ بە زانیارییەکانی ئەو ناوەندە ناکات و بە ناڕاستی دەزانێت.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]ail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin