Smiley face
Smiley face
Smiley face

بەڕێوەبەری کارەبای سلێمانی: توانای ٨ کاتژمێر کارەبامان ھەیە

2017-11-23 14:03:07



ڕۆژنیوز - دانا عومەر

 

بەڕێوەبەری کارەبای سلێمانی داوا لە لایەنە پەیوەندیدارەکان دەکات، کە سوتەمەنی بۆ وێستگەکانی کارەبا دابینبکەن و دەڵێت: خواست لەسەر  بەکارھێنانی کارەبا زیادیکردووە، بۆیە لە ئێستادا دەتوانین ھەشت کاتژمێر کارەبا بدەین.

 

پاش نیوەڕۆی ئەمڕۆ، سالار حیسامەدین، بەڕێوەبەری کارەبای سلێمانی لە بینای بەڕێوبەرایەتی کارەبای سلێمانی، سەبارەت بە ڕەوشی کارەبا و بڕینی کارەبای چاڤی لاند، کۆنگرەیەکی ڕۆژنامەنووسی ئەنجامدا.

 

سالار حیسامەدین، لە کۆنگرە ڕۆژنامەنووسیەکەدا سەبارەت بە بڕینی کارەبای پرۆژەی گەشتیاری چاڤی لاند، وتی:"بڕینی کارەبای چاڤی لاند، ھیچ بابەتێکی سیاسی تێدا نییە، چاڤی لاند، بڕی ٧١٧ ملیۆن دینار قەرزی کارەبی لایە، تاوەکو ئێستا  ٥٦ ملیۆن قەرزی داوەتەوە، وە نەھاتوون بەدەم دانەوەی قیستەکانەوە، بۆیە کارەباکەمان بڕیون".

 

وتیشی:"ئێمە تەنھا لێپێچینەوەمان لە پڕۆژەی چاڤی لاند نەکردووە، بەڵکو لێپێچینەوەمان لە ھەموو ئەو پڕۆژانە کردووە کە قەرزەکانیان لە ٥٠٠ ملیۆن دینار زیاترە".

 

لەبارەی توانای پێدانی کارەبا بە ھاوڵاتییان ناوبراو، وتی:"ئێمە لە ئێستادا توانای پێدانی ھەشت کاتژمێر کارەبامەن ھەیە، ئەویش بەھۆی ئەوەوەیە کە خەڵک زیاتر کارەبا بەکار دەھێنێت بۆ گەرمکردنەوە، کە ئەویش ھۆکارەکەی بۆ قەیرانی دارایی دەگەڕێتەوە، بەڵام ھەوڵدەدەین بیگەیەنینە ١٢ کاتژمێر، بۆ ئەوەش داوا لە لایەنە پەیوەندیدارەکان دەکەین کە  سووتەمەنی بۆ وێستگەکان دابینبکەن".

 

لە وەڵامی پرسیارێکی ڕۆژنیوزدا، لەبارەی ئەوەی کە کارەبای ھەرێمی کوردستان بە موسڵ دەفرۆشرێت، بەڕێوەبەری کارەبای سلێمانی، وتی:"نزیکەی ٢٠٠ مێگاوات کارەبای بەرھەمھاتوو لە ھەرێمی کوردستان بە موسڵ دەفرۆشرێت، بەڵام ئەو کارەبایە لەو وێستگانە بەرھەمدێت کە وەستاون بەھۆی ئەوەی حکومەت خۆی توانای نەبووە سوتەمەنی بۆ دابینبکات، ئێستا کەرتی تایبەت سوتەمەنی بۆ دابین دەکات و بە نرخی جیاواز بە موسڵی دەفرۆشیت".

 

فروشتنی کارەبای کوردستان بە شاری موسڵ، لەکاتێکدایە، کە حکومەتی ھەرێم خۆی کارەبا لە کەرتی تایبەت دەکڕێت، وە ھاوڵاتیانی ھەرێم خەون بە.کارەبای ٢٤ کاتژمێرییەوە دەبینن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin