Smiley face
Smiley face
Smiley face

ڕێکخراوەکەی عەلی قەرەداغی خرایە لیستی تیرۆرەوە

2017-11-23 12:10:16



ڕۆژنیوز - ناوەندی هەواڵەکان

 

ڕێکخراوەکەی عەلی قەرەداغی بەناوی(یەکێتی جیهانیی زانایانی ئیسلامی) کە خۆی ئەمینداریی گشتییەتی، لە لایەن هەرچوار وڵاتی (سعودیە، ئیمارات، بەحرەین و میسر)، لەگەڵ ڕێکخراوێکی دیکە و ١١ کەسایەتی خرانە لیستی تیرۆرەوە.

 

هەرچوار وڵاتی (سعودیە، ئیمارات، بەحرەین و میسر)، ئەمڕۆ ڕاگەیاندراوێکی هاوبەشیان بڵاوکردەوە، کە بە بڕیارى ئەو چوار وڵاتە، بۆ پاراستنی گەلانی ناوچەکە لە هەڕەشەی تیرۆر، ڕێکخراوی یەکێتی جیهانیی زانایانی ئیسلامی و ئەنجومەنی ئیسلامی جیهانی و  ١١ کەسایەتی خستوەتە لیستی تیرۆرەوە.

 

لە ڕاگەیاندراوەکەدا هاتووە: ئەو دوو ڕێکخراوەی کە ناویان هاتووە، دوو دامەزراوەی تیرۆریستین کە کاردەکەن بۆ برەودان بە تیرۆر، لەژێر چەتری گوتاری ئاینی ئاسانکاریی بۆ چالاکییە تیرۆریستییە جۆراوجۆرەکان دەکەن.

 

یەكێتی جیهانیی زانایانی ئیسلامیی، لە ٢٠٠٤/٧/١١ لە لەندەنی پایتەختی بەریتانیا بە بەشداری ٣٠٠ زانای ئیسلامیی لە بوارە جیاوازەکاندا، دامەزراوە، هاوکات لە شاری دبلن-ی پایتەختی ئیرلەندا، وەک ڕێکخراوێکی فەرمیی جیهانیی تۆمارکراوە و دکتۆرعلی قەرەداغی، ئەمینداری گشتیی ڕێکخراوەکەیە.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin