Smiley face
Smiley face
Smiley face

مامۆستایانی باڵەکایەتی لەبارەی کاریگەرییەکانی فکری پەکەکە دەدوێن

2017-11-23 09:56:00



ڕۆژنیوز- زۆسك باڵەك

 

لەگەڵ نزیكبوونەوەی چلەمین ساڵیادی دامەزراندنی پەكەكە، چالاكوانان و مامۆستایانی باڵەكایەتی ڕایان وایە کە پەكەكە توانیویەتی ناسنامەیەكی ئینتەرناسیۆنال بۆخۆی دروستب كات، ئاماژە بەوەش دەکەن کە پەکەکە لە سەردەمێكدا دەركەوت كە كوردبوون لە تەواوی پارچەكانی كوردستان بەرەو لەناوچوون دەچوو، پەكەكە كوردبوونی ژیاندەوە.

 

لە چلەمین ساڵیادی دامەزرانی پارتی کرێکارانی کوردستان لە ٢٧ی تشرینی دووەەمی ١٩٧٨، مامۆستایان و چالاکوانانی شارۆچکەی چۆمان سەبارەت بە فکری پەکەک و کاریگەرییەکانی دەدوێن.

 

پشتیوان حەمەد یەكێكە لەو مامۆستایانەی باڵەكایەتی ڕای وایە کە:"پەكەكە هەر لەسەرەتای دروستبونییەوە پارتیكی جیاوازتر و كاریگەرتر بووە لە هەموو پارت و بزووتنەوە ڕزگاریخوازییەكانی تری كورد، ئەمەش دەگەڕێتەوە بۆ بنیادە فەلسەفی و دنیابینییەكەی ڕیبەر ئاپۆ و دامەزرێنەرانی، كە ڕوانینێكی تایبەتیان بۆ هەموو پیكهاتەكانی كۆمەڵگە و هەموو بوارەكانی ژیان و تەواوی گرفت و كێشەكانی مرۆڤ هەیە".

 

 

هەروەها دەشڵێت:"ئیستاکە بەهۆی گۆڕانكاری زیاتری بنیادە فەلسەفی و تاكتیكی سیاسی و پارتیزانی، بەهۆی ئەو گۆڕانكارییانەی لە ناوچەكادا دەگوزەرێت و سەركەوتنە مەزنەكانی ڕۆژئاوا و ئەو مۆدیلە نوێیەی خەباتی پێكەوەیی ژنان و پیاوان كە ئەو ڕۆحیەتە ڕزگاریخوازیی و ڕەفتارە جوانانەی كە لەبەرامبەر نەتەوەكانی تر پەیڕەوی دەكەن، پێگە و ئاستی جەماوەریی پەكەکەی زیاتر كردووە".

 

لەبارەی كاریگەریی پەكەكە بۆ سەر جیهان، وتی: ڕەنگە لەدوای كۆتایی داعش بە تەواوی هاوپەیمانێتی نوێ بێتە ئاراوە، ئەمەش بەرهەمی ئەو خەبات و تێكۆشانەی مۆدێلە نوێكەیەكەتی لەڕووی حیزبایەتی و سیاسەتەوە".

 

هەرچی سەبارەت بە باشوری كوردستانیشە دەڵێت, بەهۆی ئەو سیاستە خراپ و نادیموكراتی و قۆرخكارییەی هەردوو حزبی دەسەڵاتدار پەیڕەوی دەكەن، وایكردووە هاوڵاتیان زیاتر هیوایان لەسەر پەكەكە هەڵچنن بۆ ڕزگاركردن لەو ڕەوشە خراپەی كە هەیە.

 

دەشڵێت، ڕۆژ بە ڕۆژ كاریگەری پەکەکە زیاد دەكات لەسەر تەواوی جیهان، پەكەكە توانیوێتی ناسنامەیەكی ئینتەرناسیۆنال بۆخۆی دروست بكات، ئەوەش دەگەڕێتەوە بۆ سیاسەتی بەرگریكردنی لە چینی چەوساوە و پرۆلیتاریا و وەستانەوەی دژ بە هەژموونی سەرمایەداری و بۆچوونی لەسەر دەوڵەتبوون و ڕەتكردنەوەی دەوڵەت نەتەوە و گرینگیدانی زۆر بە پرسی ژنان.

 

مامۆستا و چالاكوانی مەدەنی ڕێژیار ئیبراهیم، یەکێکی ترە لە دانیشتوانی شارۆچکەی چۆمان، ڕای وایە كە بزاوتی نوێی كوردبوون، دوای دروستبوونی پارتی كرێكارانی كوردستان سەرلەنوێ دروست بووەوە، چونكە بۆ یەكەمجار كوردبوون و شۆڕشی كوردی لە دەست گروپە خێڵەكییەکان دەرهات و كۆمەڵێك ئەكادیمی و خوێنەر و ڕۆشنبیر دەستیان بەم خەباتە كرد، ئەم جۆرە تێكۆشانەش یەكێك بوو لە جوانترین و چالاكترین و كاریگەرترین هێزی چەپ و نیشتیمانیی كوردی لە هەرچوار پارچەی كوردستان بەگشتی، كوردبوونی لە متبوون و لەناوچوون پاراست.

 

 

لەبارەی كاریگەریی پەكەكە لەسەر ڕۆژئاوای كوردستان و پارچەكانی دیکەوە وتی: فکری پەكەكە بۆ ڕۆژئاوای كوردستان وەك ئیرادەیەكە و خەبات و پێشوەچوونێكی زۆر باشی لەو پارچەیەدا وەدەستهێناوە، سەرەڕای ئەو هێرش و شەڕانەی کە ڕوو بەڕووی دەكرێنەوە، توانیویەتی خەباتی ئیداری و سیاسی پێش بخات، فکری پەکەکە وەك هێزێكی كاریگەر لە ڕۆژهەڵاتی ناوەڕاست و جیهان، هەبوونی خۆی سەلماندووە، ئەوە جگە لەوەی بۆ تەواوی پارچەكانی تر ڕۆژ دوای ڕۆژ پێش دەكەوێت.

 

لەبارەی کاریگەرییەکانی فکری پەکەکە سەبارەت بە ژن وتیشی: پەكەكە قۆناغێكی گەورەی لە ژیان و مافی ژنان بردە پێشەوە، بەجۆرێك ژن بەشدار بێت لە هەموو جۆرە خەباتێک و ببێتە سیمبۆلی زۆرێك لە بەرخۆدانەكان، فکری پەکەکە وایکردووە ژن هەموو ئەو بەربەستانە بشکێنێت و لە چوار دیواری ماڵ بێنێتە دەرەوە و ببێتە خاوەن ماف، بەڵکو ببێتە مافدەریش، ئەمەش بە جوانترین دروشمی كرداری ژن ژیان ئازادی خەبات و تێكۆشان بەردەوام دەكەن.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin