Smiley face
Smiley face
Smiley face

هاوڵاتییەکی سەرپێڵ زەهاو دۆخی ژیانیان لەم بارانەدا دەگێڕێتەوە.. بەڤیدیۆ

2017-11-23 08:35:50



ڕۆژنیوز – سەرپێڵ زەهاو

 

ئەگەرچی هاوڵاتییانی لێقەوماوی بومەلەرزەکەی سنووری کرماشان لە ژیانێکی نالەباردا دەژیان، بەڵام بەهۆی باران بارینەوە لەچەند ڕۆژی رابردوودا، ژیانیان سەختتربووەو دەڵێن، ئاوچووەتە چادرەکانەوەو هەموو شتەکانمان تەڕبووە.

 

١٢ی ئەم مانگە بومەلەرزەیەکی بەهێز ڕۆژهەڵات و باشوری کوردستانی گرتەوە، زۆرترین زیانی بە شارۆچکەی سەرپێڵ زەهاوی سەربە کرماشان گەیاند، دەربارەی دۆخی ئێستای ژیانیان، هیواسەرپێڵ-ی لە شارۆچکەکەوە تایبەت بۆ ڕۆژنیوز دەدوێت.

 

هیوا سەرپێڵی، وتی:"گوزەرانمان زۆر خراپە، بارانێکی زۆر زۆر باریوە، ژیان زۆر زەحمەتەو بەڕاستی لە ڕەوشێکی نالەبارداین، چادرەکانمان سەفەرین و هیچ بەکەڵک نایەن، لیرە هەشت کەس لەیەک چادردایە!".

 

هیوا وتیشی: ئێمە زۆر سوپاسی هاوڵاتیانی باشوری کوردستان دەکەین، ئاگادارین هەر لە هەولێرەوە بۆ سلێمانی و کەلارو هەڵەبجەو چەندین شاری دیکە خەڵک لە خەمی ئێمەدایە و هاوکاریمان بۆ کۆدەکەنەوە، ئەوە جگە لە هاوڵاتیانی هەموو شاروشارۆچکەکانی ڕۆژهەڵاتی کوردستان، کە بەردەوام لە لەهەوڵی کۆکردنەوەی هاوکاریدان".

 

دەربارەی دۆخی ژیانیان لەم بارانەدا، هیوا وتی: بەداخەوە بەهۆی ئەم بارانەوە زۆرینەی هاوکارییەکانیش تەڕبوون و چادرەکان پڕبوون لە ئاو".

 

ئەوەشی وت: خۆم چومە چەند ماڵێکەوە، بەداخەوە چادرەکانیان پڕبووە لە ئاو و هەموو شتێکیان لەناوچووە، زۆرینەی بەتانی 'پەتووەکان'-یشمان تەڕبوون.

 

هیوا سەرپێڵی جارێکیتر داوای لەسەرجەم هاوڵاتییەکی کورد کرد، کە ئەوان لەبیر نەکەن و بەپێی توانایان هەوڵی هاوکارییکردنیان بدەن، چونکە بەهۆی سەرماوە لە ژیانێکی سەختدان.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin