Smiley face
Smiley face
Smiley face

زەکی شەنگالی: ئێمەی ئیزدی قەرزداری پەکەکە و ئۆجالانین

2017-11-22 11:52:41



ڕۆژنیوز – ناوەندی هەواڵەکان

 

زەکی شەنگالی دەڵێت، "سەرۆک ئاپۆ لە ٢٠٠٧دا وتی دەبێت شەنگال بپارێزرێت"، دەشڵێت: دامەزراندنی پەکەکە هیوای بەخشییە گەلی ئێزدی بۆیە ئێمە هەمیشە قەرزداری سەرۆک ئاپۆ و پەکەکەین.

 

٢٧ی ئەم مانگە ٤٠ساڵ بەسەر دامەزراندنی پەکەکەدا تێپەڕدەبێت، لەسەر کاریگەرییەکانی دامەزراندنی پەکەکە بەتایبەی لە سەر ئیزدییەکان، زەکی شەنگالی، ئەندامی کۆردیناسیۆنی جڤاکی ئیزدی، تایبەت بۆ ڕۆژنیوز دەدوێت.

 

زەکی شەنگالی، دەربارەی ٤٠-ەمین ساڵیادی دامەزراندنی پەکەکە و کاریگەریی لەسەر کۆمەڵگای ئیزدی، وتی: پەکەکە لە تێکۆشانی دژواری خۆیدا، هەنگاوی زۆری بڕیوە، بەجۆرێک گەلی کوردستانی هینایە ئاستی ئازادی.

 

شەنگالی باسی لەوەکرد، کە پەکەکە بە خەباتی خۆی توانیویەتی پیلانەکانی تورکیا هەڵبووەشێنێتەوەو، لە هەموو پارچەکانی کوردستاندا دەستەکەوت بەدەستبهێنیت بۆ گەلانی کوردستان.

 

زەکی شەنگالی زیاتر لەسەر خەباتی پەکەکە لە ٤٠ ساڵی ڕابردوودا دواو، وتی: ئەو دەستکەوتانەی کورد لە ناوخۆو دەرەوەدا بەدەستهاتوون، تێکۆشانێکی بەشکۆی بۆ کراوە، خوێنی هەزاران شەهیدی لە پێناودا ڕژاوە، لە سایەیدا ئەمڕۆ سیستمی خۆبەڕێوەبەری پەیڕەودەکرێت و ئازادی گەلانی تێدا دەپارێزرێت.

 

وتیشی:"پەکەکە نەتەوەی دیموکرات بەبنەما دەگرێت و لەو پێناوەدا ڕۆڵێکی گرنگی گێڕاوە، هەروەها لەبەرامبەر سیستمی کاپیتالیستی زۆرداردا توانی سیستمی خۆی پێش بخات، کە تێیدا هەموو گەلان بی جیاوازی دەتوانن لەژێر سایەیدا بژین، ئەوەش لەسەر بنەمای فەلسەفەی ڕێبەر ئاپۆ".

 

ناوبراو لەسەر کۆمەڵگای ئیزدی دواو، وتی:"لە ئیزدیایەتییدا زوڵم و زۆرداری بوونی نییە و ژیانی هاوبەش هەیە، لێرەشدا ئێزدییەکان خۆیان وەک پارچەیەک لە فەلسەفەی ڕێبەری پەکەکە عەبدوڵا ئۆجالان دەبینن، چونکە پێش دامەزراندی پەکەکە ئیزدییەکان بەشێوەیەک لە شێوەکان زیندانیکرابوون، و هەر ڕۆژەو بەشێوازێک هێرش دەکرایە سەری.

 

شەنگالی زیاتر دواو باسی لەوەکرد، کە دوای دامەزراندنی پەکەکە، هیوایەکی گەورە لای ئێزدییەکان دروستبووەو، وتی: ئیزدییەکان بەرژەوەندییەکانی خۆیان لەناو پەکەکەدا دەبینی، بۆیە دەیانوت پەکەکە بۆ ئیمە دامەزراوە، هەربۆیە هەزاران ئیزدیی خۆیان بە پەکەکەیی دەزانن.

 

زەکی شەنگالی ئەوەشی وت: ڕێبەر ئۆجالان ڕۆڵێکی گرنگی بە کۆمەڵگای ئیزدی داوە، لە ساڵی ٢٠٠٧دا وتی دەبێت شەنگال بپارێزرێت چونکە گەمارۆدراوە، چونکە پاراستنی ئێزدییەکان پاراستنی کوردستانە.

 

لە کۆتاییشدا وتی:"پێش فەرمانی ٧٣-ەیەمی سەر ئیزدییەکان، ڕێبەر ئاپۆ سەرنجی ڕاکێشابووە سەر شەنگال و ئێزدییەکان، هەر بۆیە، ئەوەی پەکەکە هێنایە شەنگال فەلسەفەی سەرۆک ئاپۆ بوو، هەبوونی پەکەکە پێشی بە چەتەکانی داعش گرت و شەنگالی ئازاد کرد، بۆیە ئێمەی ئێزدیی هەمیشە قەرزداری سەرۆک ئاپۆ و پەکەکەین".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin