Smiley face
Smiley face
Smiley face

هاتوچۆی پارێزگای سلێمانی هۆشداری دەداتە سەرجەم شۆفێران

2017-11-22 11:48:32



ڕۆژنیوز – ناوەندی هەواڵەکان

 

بەڕێوەبەرایەتی هاتوچۆی پارێزگای سلێمانی ئاگاداری سەرجەم شۆفێران دەکاتەوە، کە ڕوو لە ناوچە شاخاوییەکانی دەربەندیخان و چیای بەرانان نەکەن، بەهۆی داڕمانی بەردی گەورە لەو ناوچانەدا.

 

ئەمڕۆ، بەڕێوەبەرایەتی هاتوچۆی پارێزگای سلێمانی ڕاگەیەندراوێکیان بڵاو کردەوە و ئاگاداری سەرجەم شۆفێرانیان دەکەنەوە کە لەم ڕۆژانەی دواییدا لە ئەنجامی ڕوودانی بومەلەرزە و ڕووخانی بەشێک لە چیاکان و باران بارینێکی زۆر ڕوو لە ناوچە شاخاوییەکان نەکەن.

 

لە ڕاگەیەندراوەکەدا هاتووە: ئەو بوومەلەرزە و باران بارینە زۆرە بووەتە هۆی داڕمانی بەشێک لە چیای بەرانان و شاخەکانی ناوچەی دەربەندیخان و زۆربەی ناوچە شاخاوییەکانی دیکەی کوردستان، کە ئەمەش بووەتە هۆی کەوتنە خوارەوەی بەردی گەورە بۆ سەر شەقامەکان و دروستکردنی گرفتی هاتوچۆ بۆ شۆفێران.

 

هاتوچۆی سلێمانی لە ڕاگەیەندراوەکەیاندا، داوا لە شۆفێران دەکەن، کە لەکاتی هەر ڕووداوێکی نەخوازراودا پەیوەندی بە ژمارە ١٨٨ ی کۆنترۆڵی هاتوچۆی پارێزگای سلێمانییەوە بکەن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin