Smiley face
Smiley face
Smiley face

سەرۆکی زیمبابۆی دوای ٣٧ ساڵ دەستبەرداری پۆستەکەی بوو

2017-11-22 10:47:09



ڕۆژنیوز – ناوەندی هەواڵەکان

 

ڕۆبەرت مۆگابی، سەرۆکی زیمبابۆی دوای ٣٧ ساڵ لە حوکمڕانی وڵاتەکەی، دواجار دەستبەرداری پـۆستەکەی بوو، ئەمەش دوای هەفتەیەک لە فشارەکان.

 

دوێنێ جاکوب مودێندا، سەرۆکی پەرلەمانی زیمبابۆی، لە دانیشتنێکی نائاسایی پەرلەمان نامەیەکی مۆگابی تەمەن ٩٣ ساڵی خوێندەوە، کە تیایدا دەستبەرداربوونی لە دەسەڵات ڕاگەیاند.

 

مۆگابی لە نامەکەیدا نووسیویەتی:"بە خواستی خۆم دەست لەکاردەکێشێمەوە تاوەکو بە شێوەیەکی ئاشتیانە و بەبێ کێشە و توندوتیژی دەسەڵات بگوێزرێتەوە".

 

دوای خوێندنەوەی نامەکە، پەرلەمانتاران خۆشحاڵی خۆیان دەربڕی و کەوتنە چەپڵە لێدان، هاوکات بە سەدان کەسی دیکە لە دەرەوەی پەرلەمان کەوتنە ئاهەنگ گێران بەو هیوایەی سەردەمێکی نوێ لە وڵاتەکەیان بێتە کایەوە، کە تیایدا هەڵبژاردنی ئازادبکرێت و ترس و تۆقاندن نەمێنێت و خەڵکی هەلی کاری بۆ بڕەخسێت و پیدواویستییەکانی ژیانی بۆ دابین بکرێت.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin