Smiley face
Smiley face
Smiley face

هاوڵاتیانی تەقتەق: پەکەکە تەنها هێزە هەموو کورد بتوانێت پشتی پێببەستێت

2017-11-22 08:56:58



ڕۆژنیوز – رێباز سەباح

 

لە ساڵیادی دامەزراندنی پەکەکەدا، بەشێک هاوڵاتیانی شارەدێی تەقتەق، باس لە گرنگی دامەزراندنی پەکەکە دەکەن و دەشڵێن: خەباتی خیانەتی تێدانەبووەو تەنها هێزە کورد دەتوانێت پشتی پێببەستێت.

 

٢٧ی ئەم مانگە، ٤٠ ساڵ بەسەر دامەزراندنی پارتی کرێکارانی کوردستان-پەکەکەدا تێپەڕ دەبێت، کە لەسەر دەستی عەبدوڵا ئۆجالان دروستکرا، لەم یادەدا چینوتوێژە جیاوازەکانی شارەدێی تەقتەقی سەربە شارۆچکەی کۆیە لە پارێزگای هەولێر، بە گرنگییەوە باس لە ئەمڕۆ و مێژووی پەکەکە دەکەن.

 

هەڤاڵ شۆرش، کە خوێندکاری ناوەندییە، بۆ ڕۆژنیوز دواو، وتی:"ساڵیادی دامەزراندنی پەكەكە پیرۆز دەكەین، پاڵپشتی خۆمان بۆ سەرۆك ئاپۆ دەنێرین، بەڕاستی هێزی پەكەكە تاكە هێزە كە بتواندرێت لە هەرچوار پارچەی كوردستان پشتی پێببەسترێت، باوری تەواومان هەیە كە خیانەت لە مێژووی ئەواندا بوونی نەبووە.

 

فەرهاد سەلیم، هاوڵاتییەكی دیکەی شارەدێیەکەبوو، ئەو بۆ ڕۆژنیوز وتی:"لە باشورەوە دەنگی ناڕەزایەتی بەرز دەكەینەوە بەرامبەر دوژمنانی گەلی كورد لە هەر چوار پارچەی كوردستان، كە مەرامە گڵاوەکانیان بەرامبەر گەلی كورد یەكخستووە، بەهەمووشمانەوە دەنگی خۆمان بەرزدەكەینەوە بۆ ئازادی بەرێز عەبدوڵا ئۆجالان".

 

 

فەرهاد، وتیشی:"لە سەرەتای دروستبوونیدا، پەكەكە توانی بە سیستمێكی نوێ بێتە ناو سیاسەت لە كوردستان، کە تێیدا پەیامی دایە هەموو جیهان كە كوردستان یەك پارچەیەو چوار سنوری دەستكردی بۆ كراوە، كوردستانێكی گەورەی بە هەموو دونیا ناساند، وە هەروەها هەوڵ دەدات بۆ بەستنی كۆنگرەی نەتەوەیی و دروستبوونی یەكڕیزی لە هەر چوار پارچەی كوردستاندا".

 

دەرسیم گەرمیانی، لەسەر هەمان بابەت، وتی:"دامەزراندنی پەكەكە بەڕاستی ڕۆژێكی گرنگبوو لە مێژووی کورددا، ئەگەر بیری لێبکەینەوە دەبینین پەکەکە جیاوازبووە لە هەموو حزبەکانی کوردستان، خەباتی ئەوان نیشتیمان پەروەری و دوور لە خیانەت بووە".

 

 

وتیشی:"پەکەکە تەنها پەیوەست نییە بەکوردستان و ناوچەکەوە، بەڵکو لە دونیادا خاوەن پێگەی خۆیەتی، وەک دەبینین لە ئێستاشدا لە تەواوی دونیادا خەبات بۆ ئازادی ئۆجالان دەکرێت، ئەمانە هۆکاری ئەوەن دامەزراندنی پەکەکە بە ڕۆژێکی مێژووی بزانین.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin