Smiley face
Smiley face
Smiley face

دەستەی پەیوەندییەکانی دەرەوەی کانتۆنی عەفرین هۆشداری دەداتە تورکیا

2017-11-20 15:35:33



ڕۆژنیوز - ناوەندی هەوآڵەکان

 

دەستەی پەیوەندییەکانی دەرەوەی کانتۆنی عەفرین، هۆشداری دایە تورکیا و ڕایگەیاند، کە وەڵامی هێرشەکانی تورکیا بۆ سەر کانتۆنی عەفرین دەدرێتەوە.

 

ئەمڕۆ دەستەی پەیوەندییەکانی دەرەوەی کانتۆنی عەفرین، ڕاگەیەندراوێکی سەبارەت بە هێرشەکانی تورکیا بۆسەر هاوڵاتیانی ئەو کانتۆنە بڵاوکردەوەو هۆشداری توندی دایە تورکیا.

 

لە ڕاگەیەندراوەکەدا هاتووە:"حکومەتی داگیرکەری تورک بەردەوام کەرەستە سەربازییەکان و تانکەکانی دێنێتە سەر سنوورەکانی سوریا و جێگریان دەکات، میدیاکان چەند وێنەیەکیان بڵاوکردووەتەوە، کە تێیداندا چەتەکانی بەرەی نوسرە کەرەستە سەربازییەکانی سوپای تورک لە سەر سنوور جێگردەکەن.

 

لە بەردەوامی ڕاگەیەندراوەکەدا هاتووە: ئەردۆغانی سەرۆکی حکومەتی تورک، هەڕەشە لە کانتۆنی عەفرین دەکات و دەڵێت، یەپەگە و یەپەژە لە عەفرین بچنە دەرەوە، پێویستە بزانن، کە شەڕڤانانی یەپەگە و یەپەژە منداڵی ئەو خاکەن و خاکی خۆیان دەپارێزن.

 

لە کۆتاییشدا ڕاگەیەندراوە: ئێمە وەک دەستەی پەیوەندییەکانی دەرەوەی کانتۆنی عەفرین بانگەوازی کۆمەڵگای نێودەوڵەتی دەکەین، کە پێشێلکارییەکانی تورکیا سنوورداربکەنەوەو هۆشداریش دەدەینە تورکیا کە لە ئەگەری بەردەومبوونی هێرشەکان، وەڵامی توندی دەدرێتەوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin