Smiley face
Smiley face
Smiley face

کەژەکە: سەدەی ٢١ دەکەینە بەهاری ژنان

2017-11-20 14:52:52



ڕۆژنیوز - ناوەندی هەواڵەکان

 

کۆمێن ژنێن کوردستان- کەژەکە، بەبۆنەی ٢٥ی نۆڤەمبەرەوە ڕاگەیەندراوێکی بڵاوکردەوەو ڕایگەیاند، کە سەدەی ٢١ دەکەینە بەهاری ژنان.

 

کەژەکە لە ڕاگەیەندراوێکدا کە شەوی ڕابردوو بڵاوی کردەوە، بەرەو پیری ٢٥ی نۆڤەمبەر، ڕۆژی نەهێشتنی توندوتیژی دژی ژنانەوە چوو، ڕایگەیاند، توندوتیژیی دژی ژنان لە تیرۆری دەوڵەتی و تیرۆری پیاوانەوە سەرچاوە دەگرێت.

 

کەژەکە ڕاگەیەندراوکەی بە یادکردنەوەی و ڕێزگرتن لە خوشکانی میرابلەوە دەستپێکردووەو بەم شێوەیە بەردەوامی بە ڕاگەیەندراوەکە داوە: توندوتیژیی دژی ژنان لە هەموو وڵاتە پێش کەوتوو پاش کەوتووەکانی جیهاندا لە بەرزترین ئاستیدا هەبونی هەیەو، ئەمەش جیاناکرێتەوە لە تیرۆری دەوڵەتی و تیرۆری پیاوانە کە لە یەکترەوە سەرچاوەدەگرن.

 

لە بەشێکی دیکەی ڕاگەیەندراوەکەدا کەژەکە ڕایگەیاند: تێکۆشانی ئازادیخوازانەی ژنان لە کوردستان بە پێشەنگایەتیی ڕێبەر ئاپۆوە دەستیپێکردووەو، پاشان ڕێکخراوەو بەهێزبووە، بزوتنەوەی ئازادیخوازی ژنان سەرکەوتنی خۆی لە چیا و لە شار سەلماندووە، جەنگی سێیەمی جیهانی لە ڕۆژهەڵاتی ناوەڕاست لە کاتێکدا ڕوودەدات، کە ژنانی کورد لە بواری ئایدیۆلۆژی و سەربازییەوە خۆیان ڕێکخستووە، بەرخۆدانی ژنان لە چیاکانی کوردستان، شەنگال و ڕۆژئاوا سەرچاوەی ئومێد و هیوان بۆ ژنانی جیهان، دڵنیاین کە سەدەی ٢١ دەکەینە بەهاری ژنان.

 

کەژەکە هەروەها لە ڕاگەیەندراوەکەیدا ئاماژەی بە بڕیاری کۆبوونەوەی گشتیی ساڵانەی خۆی داوە، کە تێیدا باس لە ئازدکردنی ئۆجالان و بەردەوامبوون لە کەمپەینی ئازادی بۆ ئۆجلان کراوە.

 

لە کۆتایی ڕاگەیەندراوەکە بانگەوازی هەموو ژنانی ناوچەکە کراوە، کە ڕۆژی ٢٥ی نۆڤەمبەر لە خۆپیشاندانەکان و گردبوونەوەکاندا ئامادەبن و ئازادیخوازی خۆیان بەم شێوەیە دەرببڕن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin