Smiley face
Smiley face
Smiley face

پیاوانیش دژی بەشودانی کچی منداڵن

2017-11-19 14:57:53



ڕۆژنیوز -  قەرەچوغ ئەنوەر

 

یەکێتی پیاوانی کوردستان دژایەتی خۆی بۆ بڕگەی بەشودانی  بەشودانی کچی منداڵ لە پرۆژە یاسای هەموای باری کەسێتی عێراق، دەردەبڕێت.

 

ئەمڕۆ لە ڕۆژی جیهانیی پیاواندا، کە تا ئێستا لەلایەن نەتەوە یەکگرتووەکانەوە بە فەرمیی نەناسێدراوە، ئەژی ئیبراھیم، سەرۆکی لقی ھەولێری یەکێتی پیاوانی کوردستان کۆنگرەیەکی ڕۆژنامەنووسی بەست.

 

لە کۆنگرەکەدا، ئەژی، ڕایگەیاند، کە دەیانەوێت ئەم ڕۆژە لەھەرێمی کوردستان ببێتە ڕۆژێکی فەرمی.

 

ئەژی ئیبراهیم، وتیشی: بەھۆی قەیرانی داراییەوە کۆچکردنی پیاوان بەلێشاو بەرەو ئەوروپا کاریگەریی خراپی لەسەر کۆمەڵگا دروستکردووە و خۆشەویستی بۆ نیشتمان نەماوە و پێویستە حکومەتی ھەرێم بەزووترین کات ڕێگاچارە بدۆزێتەوە.

 

سەرۆکی لقی هەولێر-ی یەکێتی پیاوانی کوردستان، ڕاشیگەیاند: بەھەموو شێوەیەک ئەو بڕگە یاساییە ڕەتدەکەینەوە، کە لەلایەن ئەنجومەنی نوێنەرانی عێراقەوە خراوەتە بەرباس و ڕێگە دەدات کچانی منداڵ بەشوو بدرێن، لەھەرێمی کوردستانیش ئێمە دژی جێبەجێکردنی ئەو یاسایەین.

 

ئەژی ئیبراھیم، وتیشی: لەگەڵ ڕێکخراوەکانی ژنان و بەڕێوەبەرایەتی توندوتیژیی خێزانی ھەماھەنگیمان دروستکردووە بۆ چارەسەرکردنی کێشە خێزانییەکان.

 

جێگای ئاماژه‌یه‌ له‌ به‌راوای 19/11/1999 دا له‌ (ترینادۆ تۆباگۆ) بۆ یه‌که‌مجار رێکخراوێک پێشنیاری رۆژی جیهانی پیاوانی کرد، له‌دوای ئه‌و ساڵه‌شه‌وه‌ له‌ده‌یان وڵاتی جیهاندا گروپ و رێکخراوی جۆراوجۆر یادی ڕۆژی جیهانی پیاوان ده‌که‌نه‌وه‌، بەڵام هەتا ئێستا ئەو ڕۆژە لەلایەن نەتەوە یەکگرتووەکانەوە بە فەرمیی نەناسێندراوە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin