Smiley face
Smiley face
Smiley face

لە سەیدسادق کۆڕی "شیعرە ڕنگاڵەییەکانی پایز" بەڕێوەچوو

2017-11-17 18:43:10



ڕۆژنیوز - هاوکارمستەفا

 

بەمەبەستی گرنگیدان بە بواری هونەر بەتایبەت هونەری شیعر، بە ئامادەبوونی ژمارەیەک لە شاعیر و هونەرمەندانی سنوورەکە، لە شارۆچکەی سەیدسادق، یەکەم کۆڕی "شیعرە ڕەنگاڵەییەکانی پایز"، بە بەشداریی چەند شاعیرێک بەڕێوەچوو.

 

سەرلە ئێوارەی ئەمڕۆ، لە هۆڵی وەلی دێوانە، لە شارۆچکەی سەیدسادق-ی سەر بە شاری سلێمانی، بە چاودێری قایمقامی شارۆچکەکە و بە سەرپەرشتی بەڕێوەبەرایەتی ڕۆشنبیری و هونەری سەیدسادق، کۆڕێکی شیعری بۆ چوار شاعیری سنوورەکە سازکرا.

 

 

ساکار ئاواز، یەکێک لەو شاعیرانەی کە لەشاری هەڵەبجەوە بەشداری کۆڕە شیعرییەکەی کردبوو، بە ڕۆژنیوزی وت:"مەبەستم لە بەشداریکردن لەم کۆڕە شیعرییەی شارۆچکەی سەیدسادق دوو پەیامم هەبوو، یەکێک ئەوەی کە ژنانیش هاوشوەی پیاوان دەتوانن شیعر بنوسن، هەستەکانی خۆمان لە ڕێگەی نووسینی شیعرەوە دەرببڕین، هەروەها پەیامێکی تریشم ئەوەبوو، کە بڵێم ژیان بەردەوامە و دەبێت هەمیشە ئومێدمان بەخومان هەبێت".

 

(ساکار ئاواز)

ساکار، وتیشی:"ئەنجامدانی ئەم جۆرە کۆڕە شیعرییانە لەم کاتەدا زۆر گرنگ و پێویستن، بەتایبەت کە دەروونی هاوڵاتیان بەهۆی بارودۆخە سیاسی و ئابوورییەکانەوە سەقامگیر نییە، بۆ ئەوەی کەمێک لەو دۆخە ناهەمووارە دوور بکەوینەوە".

 

یەکێکی دیکە لە شاعیرە بەشداربووەکانی کۆڕە شیعرییەکە، بەناوی هاشم کەریم ناسراو بە چەمخارا، بۆ ڕۆژنیوز وتی:"جێگای خۆشحاڵییە کە هێشتا کۆمەڵێکی زۆر لە گەنجان و دانیشتووانی سەیدسادق شەیدای گوێگرتنن لە تێکستە شیعرییەکان، بۆیە ئەمە وا لە ئێمەی شاعیر دەکات، زیاتر و زۆرتر بەردەوامبین لە نوسینی شیعر و بەشداریکردنمان لەم جۆرە کۆڕە شیعرییانەدا".

 

(هاشم کەریم)

 

شایانی باسە، لە تێکستی سەرجەم شاعیرە بەشداربووەکاندا، باس لە سروشتی جوانی وەرزی پایز کرا.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin