Smiley face
Smiley face
Smiley face

هاوڵاتییەک لە کاتی یارمەتیگەیاندن بۆ لێقەوماوانی بوومەلەرزەکە گیانی لە دەستدا

2017-11-17 15:38:57



ڕۆژنیوز - ناوەندی هەواڵەکان

 

هاوڵاتییەکی خەڵکی شاری بۆکانی سەربە پارێزگای ورمێی ڕۆژهەڵاتی کوردستان، لە کاتی گەیاندنی هاوکاری بۆ لێقەوماوانی بوومەلەرزەکەی کرماشان لە ڕووداوێکی هاتوچۆدا گیانی لە دەستدا.

 

ئەبوبەکر مەعروفی شەوی ڕابردوو لە کاتێکدا ئۆتۆمبێلێکی یارمەتییەکانی هاوڵاتییانی بۆکانی لێدەخوڕی و کە بیگەیەنەتە کرماشان، لە دەوروبەری شاری جوانڕۆی سەربە کرماشان لە ڕووداوێکی هاتوچۆدا گیانی لە دەستدا.

 

ڕاگەیەندراوە، کە دوو کەسی دیکە لەگەڵ ئەبوبەکر مەعروفی بوون و ئەوانیش بە سەختی برینداربوون.

 

هەزاران هاوڵاتیی شاری جوانڕۆ سەرلەبەیانیی ئەمڕۆ لەبەردەم نەخۆشخانەی ئەو شارە گردبوونەوە و تەرمەکەیان بەرەو بۆکان بەڕیکرد.

 

 

لە زۆربەی شار و شارۆچکەکانی نێوان جوانرۆ و بۆکان، خەڵکی شارەکان بۆ ڕێزگرتن هاتنە پێشوازی تەرمەکە و لە شاری بۆکانیش لە لایەن خەڵکی شارەکە پێشوازییەکی جەماوەری گەورە لە تەرمی ئەبوبەکر مەعروفی کرا.

 

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin