Smiley face
Smiley face
Smiley face

قەسەدە لەسەر ونبوونی تەلال سلۆ ڕاگەیەندراوێکی بڵاوکردەوە

2017-11-16 18:04:32



ڕۆژنیوز – ناوەندی هەواڵەکان

 

فەرماندەیی گشتی هێزەکانی سوریای دیموکراتیک-قەسەدە ڕایگەیاند، کە دەزگا هەواڵگیرییەکانی تورکیا دەستیان هەیە لە ونبوونی تەلال سەلۆ وتەبێژی قەسەدە، ئاشکراشیکرد:"پێشتر چەندین جار تەلال سلۆ لەلایەن تورکیاوە هەڕەشەی لێکرابوو".

 

ئێوارەی ئەمڕۆ، فەرماندەیی گشتی هێزەکانی سوریای دیموکراتیک-قەسەدە، لەسەر ونبوونی تەلال سلۆ، وتەبێژی فەرمی قەسەدە، بەیاننامەیەکی بڵاوکردەوە.

 

قەسەدە، لە سەرەتای بەیاننامەکەدا، ئاماژەی بەوە کردووە:"ونبونی تەلال سەلۆ، وتەبێژی قەسەدە لە ڕای گشتیدا قسەوباسی زۆری لەسەر دەکرێت، ئەم بابەتەش بووەتە ڕۆژەڤی چەند دەزگایەکی ڕاگەیاندن".

 

ئەوەش هاتووە:"بۆ ڕوونکردنەوەی ئەو ڕووداوە، وەکو قەسەدە ڕایدەگەیەنین، کە تەلال سەلۆ و گروپەکەی لەسەر داخوازی و خواستی خۆیان بەشداری قەسەدە ببوون، ناوبراو بەشێوەیەکی فەرمی وەکو وتەبێژی قەسەدە دەستنیشان کرابوو، هەتا ئەو کاتەی پەیوەندی لەگەڵمان بچڕاوە، لەسەر کاری خۆی بوو".

 

قەسەدە، دەشڵێت:"تەلال سەلۆ لەناو هێزەکانی ئێمەدا خاوەن ڕێز بوو، هەموو ئەرکەکانی خۆی پێکدەهێنا، لەبەر ئەوەش لەلایەن تورکیاوە ڕووبەڕووی گوشار و گێچەڵپێکردن دەبووەوە، بە کوشتنی منداڵەکانی کە لە تورکیا بوون، هەڕەشەی لێدەکرا".

 

لە بەشێکی دیکەی ڕاگەیەندراوەکەی قەسەدە-دا، هاتووە:"لەو کاتەوەی کە تەلال سلۆ ونبووە، لێکۆڵینەوە دەستی پێکردووە، پێویستە ئەوەش بزانرێت، کە تەلال سەلۆ لەبەر گوشار و ئاستەنگییەکانی کە بۆ کارەکەی دەهاتە پێشەوە، داوای دەست لەکارکێشانەوەی کردبوو".

 

هەر لە بەیاننامەکەدا، فەرماندەیی گشتی قەسەدە، ڕایدەگەیەنێت:"تەلال سلۆ بە دەستی هەواڵگیریی تورکیا و هاوکاری چەند کەسێک لە خێزانەکەی ونبووە".

 

لە کۆتایی بەیاننامەکەی هێزەکانی سوریای دیموکراتیک-قەسەدە-دا، هاتووە:"ئێمە ئەرک و تێکۆشانی خۆمان لە دژی تیرۆر بەردەوام دەکەین و هەروەها خەباتی بونیادنانی سوریایەکی دیموکراتیک، فیدراڵ، ئازاد و نا ناوەندیی درێژە پێ دەدەین، هاوکات برایەتی گەلان هاوسەنگی کاری ئێمە دەبێت و ناسنامەی سەربازی خۆمانی پێ دیاری دەکەین، ئەم ڕووداوەش کاریگەری ناکاتە سەر هێزەکانمان و دواتر ئەنجامی لێکۆڵینەوەکانمان ئاشکرا دەکەین".

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin