Smiley face
Smiley face
Smiley face

پاش تێکهەڵچوونێک لە پایتەختی زیمبابۆ سوپا ڕاگەیەندراوێکی بڵاوکردەوە

2017-11-15 10:59:36



ڕۆژنیوز - ناوەندی هەواڵەکان

 

پاش تەقە و تۆپبارانێکی قورس لە دەوروبەری هەرارەی پایتەختی زیمبابۆ، کە سەرلەبەیانیی ئەمڕۆ ڕوویدا، سوپای ئەو وڵاتە ڕاگەیەندراوێکی بڵاوکردەوە و ڕایگەیاند کە حکومەت پارێزراوە.

 

سوپای زیمبابۆ لە ڕاگەیەندراوەکەیدا ئاشکرای کرد، کە تەنیا تاوانبارەکانی کردووەتە ئامانج و بەنیازی کۆنتڕۆڵکردنی حکومەت و دەسەڵات نییە.

 

لە ڕاگەیەندراوی سوپادا هاتووە: دەمانەوێت ڕووبەڕووی تاوانبارەکان ببینەوە، ئەو تاوانبارانەی بوونەتە هۆی ئازاری کۆمەڵگا، ئەو کاتەی کارمان کۆتایی پێبێت، دۆخەکە دەگەڕێتەوە حاڵی ئاسایی.

 

سوپا هەروەها ڕایگەیاندووە، کە موگابەی سەرۆی حکومەتی زیمبابۆ و خێزانەکەی پارێزراون.

 

هێشتا دیار نییە، کێ یان چ لایەنێک فەرماندەیی ئەو ئۆپەراسیۆنەی سوپای زیمبابۆ دەکات.

 

ڕاگەیەندراوە، کە سوپا دەستی بە سەر ڕادیۆ و تەلەفزیۆنی فەرمیی ئەو وڵاتەدا گرتووە.

 

ئەمانە پاش ئەوە ڕوودەدەن، کە گریس موگابە، سەرۆکی حکومەت، ئیمیرسن مۆنانگاوا-ی جێگریی لە کار دوور خستەوەو هاوسەرەکەی خۆی لە جیاتی ئەو دانا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin