Smiley face
Smiley face
Smiley face

تەرمی کچێکی چواردە ساڵ لە سنووری ڕاپەڕین دۆزرایەوە 

2017-11-15 10:47:53



ڕۆژنیوز- عەلی قادر 

 

لە شارەدێی ژاراوەی سنووری ئیدارەی ڕاپەڕین، تەرمی کچێکی چواردە ساڵ دۆزرایەوە.

 

سەرلەبەیانی ئەمڕۆ، لە ناو گۆڕستانی شارەدێی ژاراوە-ی سەر بە شارۆچکەی قەڵادزێی  سەربەئیدارەی ڕاپەڕین، تەرمی کچێکی چواردە ساڵ دۆزرایەوە کە شوێنەواری لێدانی فیشەکێک بە سنگییەوە دیارە.

 

عوسمان مەحەمەد جێگری بەڕێوبەری نەخۆشخانەی شەهیدانی نوێی قەڵادزێ، بە ڕۆژنیوزی ڕاگەیاند:"کاتژمێر ۹ی سەرلەبەیانی ئەمڕۆ، تەرمی کچێک  بەناوی دیدار حەسەن وەتمان، تەمەن 14ساڵ، دانیشتووی شارەدێی ژاراوە، لە گۆڕستانی ژاروە دۆزراوەتەوە، شوێنەواری لێدانی فیشەکێک بەسەر بەشی چەپی سنگییەوە دیارە".

 

عوسمان وتیشی:"بەگوێرەی شوێنی برینە، جۆری چەکی بەکارهاتوو، دەمانچەیە، هۆکاری کوشتنەکەشی ڕوون نییە، بۆ توێکاریی و لێکۆڵینەوەی زیاتر، تەرمەکەی ڕەوانەی پەیمانگای پزیشکی دادوەری سلێمانی کراوە ".

 

سەبارە بەو ڕووداوە شۆڕش ئیسماعیل، وتەبێژی پۆلیسی ئیدارەی ڕاپەڕین بۆ رۆژنیوز وتی: ئاگاداری ئەو ڕووداوەین، بەڵام ئێستا ئێمەش چاوەڕوانی ڕاپۆرتی پزیشکی دادوەرین و لە لای خۆشمانەوە لێکۆڵینەوەمان لەبارەی ڕووداوەکەوە دەستپێکردووە.

 

 

کوشتنی ژنان شتێکی نوێ نییە لەناو کۆمەڵگەی هەرێمی کوردستان، سەڕورای هەبوونی دەیان ڕێکخراوی ژنان هەتا ئێستا نەتوانراوە ئەو پرسە بنبڕ بکرێت، زۆربەی بکوژەکانیش بە شێوەیەکی لە شێوەکان لە دادگاکردن دەبوێردرێن.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin