Smiley face
Smiley face
Smiley face

دادگای فیدراڵی داواکەی نەجمەدین کەریم-ی ڕەتکردەوە

2017-11-14 13:53:12



ڕۆژنیوز – ناوەندی هەواڵەکان

 

دادگای فیدراڵی عێراق، داواکەی نەجمەدین کەریم-ی ڕەتکردەوە، کە تانەدان بوو لە بڕیاری لەکاردوورخستنەوەی لەلایەن ئەنجومەنی نوێنەرانی عێراقەوە.

 

ئەمڕۆ، ئەیاس ئەلساموک، وتەبێژی دادگای فیدراڵی عێراق ڕاگەیەندراوێکی سەبارەت بە تانەکەی نەجمەدین کەریم، پارێزگاری لەکاردوورخراوەی کەرکوک-ی دایەوە.

 

 لە ڕاگەیەندراوەکەدا هاتووە:"دادگای باڵای فیدراڵی ئەمڕۆ کۆبووەوە و تانەی نەجمەدین کەریم-ی لەبارەی بڕیاری دوورخستنەوەکەی لەلایەن ئەنجومەنی نوینەرانەوە تاوتوێ کرد".

 

هەروەها، هاتووە:"لە کۆبوونەوەکەدا داواکەی نەجمەدین کەریم ڕەتکراوەتەوە، چونکە دوورخستنەوەی نەجمەدین کەریم بڕیارێکی ئیداریی بووە، نەک تەشریعی".

 

لە ڕۆژی ١٤/ ئەیلول لە دانیشتنی ئەنجومەنی نوێنەرانی عێراق، بە کۆی دەنگی ١٧٣ پەرلەمانتار بڕیاری لەسەرکار لابردنی درا، ئەمەش دوای ئەوەی ئەنجومەنی پارێزگای کەرکوک بڕیاری لەسەر ئەنجامدانی ڕیفرندۆم دا لە پارێزگای کەرکوک.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin