Smiley face
Smiley face
Smiley face

گەنجانی سەیدسادق ئاشنای کتێبە فکرییەکان دەکرێن

2017-11-11 14:21:40



ڕۆژنیوز - هاوکار مستەفا

 

لە شارۆچکەی سەیدسادق پێشانگایەکی کتێب کرایەوە و یەکێک لە سەرپەرشتیارانی پێشانگاکەش دەڵێت: ئامانجمانە گەنجانی سنوورەکە زیاتر ئاشنا بکەین بە کتێب بەتایبەت ئەو کتێبانەی کە فکریین و گەنجان زیاتر سودییان لێوەردەگرن.

 

ئەمڕۆ لەناو بازاڕی شارۆچکەی سەیدسادق-ی سەر بەپارێزگای سلێمانی لەلایەن کۆمەڵەی گەنجانی وڵاتپارێز وڕێکخراوی  ژنانی گەنجی تێکۆشەر پێشەنگایەکی کتێب کرایەوە و بڕیارشە تا ئێوارەی ئەمڕۆ پێشانگاکە بەردەوامیی هەبێت.

 

 

هەرێم ئەبوبەکر، سەرپەرشتیاری پێشانگاکە بە ڕۆژنیوزی وت: ئامانجمان ئەوەیە، کە بتوانین گەنجانی سنوورەکە زیاتر ئاشنا بکەین بە کتێب بەتایبەت ئەو کتێبانەی کە فکریین و گەنجان زیاتر سودییان لێوەردەگرن.

 

هەرێم ئەبوبەکر

 

هەرێم، وتیشی: لەپێشانگاکەدا چەندین کتێب و سەرچاوەی جۆراو نمایش کراون، بەڵام زیاتر کتێبەکانی عەبدوڵا ئۆجالان بەدیدەکرێن، چونکە پێمان وایە نووسین و کتیبەکانی ئۆجالان ڕێگا چارەی پێویستیان بۆ ڕزگارکردنی گەنجان لەزۆر دۆخی ناهەمووار تێدایە.

 

هەروەها، عابید عومەر یەکێک لەو گەنجانەی، کە سەردانی پێشانگاکەی کردبوو بە ڕۆژنیوزی وت: ئەو کتێبانەی لەم پێشەنگایەدا نمایش کراون دەتوانن فکر و بیرکردنەوەی گەنجان بە ئاڕاستەیەکی تەندروستدا ببەن، بۆیە بەردەوامیدان بە کردنەوەی ئەم پێشانگایانە لەشار و شارۆچکەکانی تریش کارێکی پێویستە بۆ گەنجان.


عابید عومەر

 

عابید، داواشی لە گەنجان کرد، کە سەردانی پێشانگاکە بکەن و سود لە کتێبەکان وەربگرن.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin