Smiley face
Smiley face
Smiley face

دوای ٢٠ساڵ لەکردنەوەی کتێبخانەی کوردی لە سوید داهاتووی ناڕوونە

2017-11-11 11:09:57



ڕۆژنیوز – ناوەندی هەواڵەکان

 

دوای ٢٠ ساڵ لە دامەزراندنی کتێبخانەیەکی کوردی لە سوید، لە ئێستادا داهاتووی کتێبخانەکە ناڕوونەو بەڕێوەبەرەکەی دەڵێت، پێویستە بۆ مانەوەی هاوکاری بکرێین.

 

کتێبخانەکە بە دەسپێشخەری کوردانی سوید لە ساڵی ١٩٩٧ لە شاری ستۆکهۆڵمی پایتەخت دامەزراوەو تا ئێستاش پێشوازی لە خوێنەرانی دەکات.

 

؛ە ساڵی ١٩٩٧ لە ڕێوڕەسمێکدا بە بەشداری وەزیری فەرهەنگیی ئەو کاتیە سوید 'ماریتا ئوفسکووگ' لە ناوەندی ستۆکهۆڵم کتێبخانەی کوردی کرایەوە، بەرپرسی ئێستای کتێبخانەکە نەوزاد هرۆری لە بارەی هۆکارەکانی دامەزرانی ئەو کتێبخانەیەوە دەڵێت: ئامانجمان ئەوە بوو کە ئەو کەرستەو پێداویستییانەی تایبەت بە کورد و کوردستانن کۆ بکەینەوە و لە فەوتان بیانپارێزین.

 

نەوزاد هرۆری دەڵێت: ئەو کتێبخانەیە بەرهەمی دەسپێشخەری کوردانی سوید و لە ناو ئەوانیشدا کەسایەتیەک بە ناوی نەدیم داغدەڤیرەن و کۆمەڵێک کەسایەتیی کوردی و سویدی بوو، لە سەرەتادا بە نزیکەی سێ هەزار کتێب دەستیان پێکردووە، بەڵام ئێستا ژمارەی کتێبەکانی ئەو کتێبخانەیە گەیشتۆتە سێزدە هەزار کتێب.

 

ئاماژەی بەوەشکردووە، کە بێجگە لە کتێب، ئەو کتێبخانەیە کۆمەڵێک وێنە و دەستنووس و بەڵگەنامەی مێژوویی و نەخشەی جوگرافیایی کۆکردۆتەوەو زۆر جار کەسانێک کە خوازیاری لێکۆڵینەوە لە سەر کوردانن روو دەکەنە ئەو کتێبخانەیە.

 

نەوزاد هرۆری بەرپرسی کتێبخانەکە، دەشڵێت: ساڵانە چەندین کۆڕو سیمیناری جیاواز یان کۆڕی ناساندنی کتێبی تازە چاپکراو، و تەنانەت دەورەی فێربوونی زمانی کوردیش دەکرێتەوە، لە ٢٠ ساڵ تەمەنی خۆیدا بووەتە شوێنێک بۆ هەموو کەسێک بە بێ لەبەرچاوگرتنی نەتەوە، ئایین و رەگەز و، تەنانەت لە دەرەوەی سنووری ناکۆکیە سیاسییە نێوخۆییەکانی کورد بەردەوامی بە چالاکییەکانی داوە.

 

ناوبراو ئەوەشی وتووە: دوای بیست ساڵ لە دامەزرانی کتێبخانەکە، داهاتویەکی ڕوونی نییە، ئەگەر هاوکاری نەکرێن و پشتیوانییان نەکرێت.

 

سەرچاوە؛ ڕادیۆی کوردی سوید

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin