ڤیدیۆی چالاکییەک بڵاوکرایەوە کە چەندین سەربازی تورک کوژراون

ڕۆژنیوز - ناوەندی هەواڵەکان

گەریلا تیڤی ڤبیدیۆیەکی نوێی چالاکیی گەریلاکانی لە چەمانی سەربە شەمزینانی جولەمێرگ بڵاوکردەوە.

لەو ڤیدیۆیەدا کە ئەمڕۆ بڵاوکرایەوە، سەرەتا ئامادەکارییەکانی گەریلاکان بۆ ئەنجامدانی چالاکییەکە پیشان دەدرێت و پاشان چالاکییەکە بە بەرفراوانی نیشان دەدرێت.

ئەو چالاکییە ڕۆژی ٢ی مانگ لە دژی بارەگای سەربازیی چەمان لە شەمزینانی سەربە جولەمێرگ ئەنجامدرا و لە ئەنجامیدا ١٩ سەربازی تورک و دوو بەکرێگیراو کوژران.

هەپەگە ڕایگەیاندبوو، کە لە ئەنجامی ئەو چالاکییەدا پێنج گەریلا بە ناوەکانی عەلیشێر، ئاندۆک، ڕۆژهات، شاهۆ گەرمیانی و ستێرک شەهیدبوون.

س.ح